- సెప్టెంబర్ 9వ తేదీన ఇండియాలో లాంచ్ కానున్న అల్కాజార్ ఫేస్లిఫ్ట్
- అనేక కొత్త ఫీచర్లు మరియు డిజైన్ అప్‌డేట్‌లను పొందుతున్న మోడల్
హ్యుందాయ్ అల్కాజార్ ఫేస్లిఫ్ట్ లాంచ్ సెప్టెంబర్ 9వ తేదీన జరగనుండగా, దాని కంటే ముందే హ్యుందాయ్ దీని ఇంటీరియర్ వివరాలను వెల్లడించింది. ఆటోమేకర్ గతంలో దీని కొత్త ఎక్స్‌టీరియర్ డిజైన్‌ను మాత్రమే ఆవిష్కరించి, టోకెన్ అమౌంట్ రూ. 25,000 తో బుకింగ్‌లను ప్రారంభించింది.
హ్యుందాయ్ ఇప్పుడు అధికారికంగా 2024 అల్కాజార్ ఇంటీరియర్ వివరాలను వెల్లడించింది. ఈ మూడు-వరుసల ఎస్‍యూవీ కొత్త ఇంటీరియర్ ని డ్యూయల్-టోన్ బ్రౌన్ మరియు బ్లూ థీమ్‌ తో పొందగా, డ్యూయల్ 10.25-ఇంచ్ స్క్రీన్స్, ఏసీ కంట్రోల్స్ కోసం కొత్త ప్యానెల్, అలాగే బ్రష్డ్ అల్యూమినియం మరియు గ్లోసీ బ్లాక్ ఇన్‌సర్ట్స్ వంటి వాటిని పొందుతుంది.
కొత్త హ్యుందాయ్ అల్కాజార్ ఫేస్‌లిఫ్ట్‌లో ఫ్రంట్ ప్యాసింజర్ సీట్ కోసం బాస్-మోడ్ ఫంక్షన్, ఎలక్ట్రికల్‌గా సర్దుబాటు చేయగల ఫ్రంట్ సీట్స్ మరియు డ్రైవర్ సీట్లకు మెమరీ ఫంక్షన్, డ్యూయల్ యూఎస్‌బి టైప్-సి పోర్ట్స్, బోస్-సోర్స్డ్ మ్యూజిక్ సిస్టమ్, 360 -డిగ్రీ కెమెరా వైర్‌లెస్ ఛార్జర్, ఫోల్డబుల్ కప్ హోల్డర్‌లతో కూడిన ట్రేలు, వెనుక విండో కర్టెన్స్ మరియు పనోరమిక్ సన్‌రూఫ్ వంటి కొన్ని ముఖ్యమైన ఫీచర్లు ఉన్నాయి.
అదనంగా, రిఫ్రెష్ చేయబడిన అల్కాజార్ 6-సీట్స్ వేరియంట్‌లోని రెండవ-వరుస సీట్స్ అడ్జస్టబుల్ థై(తొడ) సపోర్ట్, వెంటిలేషన్ ఫంక్షన్స్ మరియు సైడ్ బోల్‌స్టరింగ్‌తో కూడిన హెడ్‌రెస్ట్స్ ను కలిగి ఉంటాయి. ముఖ్యంగా చెప్పాలంటే, ఇందులోని అన్ని ఇతర హెడ్‌రెస్ట్స్ బ్రౌన్ కలర్ ఫినిషింగ్‌ను పొందగా, మూడవ-వరుస సీట్ హెడ్‌రెస్ట్స్ బ్లూ కలర్ లో ఉన్నాయి. అలాగే, మేము ఇంతకు ముందే, మా వెబ్‌సైట్‌లో ఈ ఎస్‍యూవీ ఇంజిన్ స్పెసిఫికేషన్లు మరియు ఎక్స్‌టీరియర్ వివరాలను వివరించాము మీరు మా వెబ్‌సైట్‌లో దాని గురించి చదువుకోవచ్చు.
అనువాదించిన వారు: రాజపుష్ప
