- రూ.25 వేలతో బుకింగ్స్ ప్రారంభం
- పెట్రోల్ మరియు డీజిల్ వెర్షన్లలో అందుబాటులోకి వస్తున్న అల్కాజార్ ఫేస్లిఫ్ట్
ఫేస్‍లిఫ్టెడ్ హ్యుందాయ్ అల్కాజార్ బుకింగ్స్ ప్రారంభిస్తున్నట్లు హ్యుందాయ్ ఇండియా ప్రకటించింది. సౌత్ కొరియన్ ఆటోమేకర్ అయిన హ్యుందాయ్ మూడు-వరుసల ఎస్‍యూవీని ఆరు మరియు ఏడు సీట్ల కాన్ఫిగరేషన్ ని ఇందులో కూడా కొనసాగించనుంది. హ్యుందాయ్ ఈ అల్కాజార్ ఫేస్లిఫ్ట్ ని తొమ్మిది కలర్ ఆప్షన్లలో రెండు ఇంజిన్ ఆప్షన్లలో అందించనుంది. ఈ ఎస్‍యూవీకి సంబంధించిన బుకింగ్స్ నేడే ప్రారంభమవగా, కేవలం రూ.25 వేలు చెల్లించి బుక్ చేసుకోవచ్చు. సెప్టెంబర్ 9వ తేదీన దీని ధరలను హ్యుందాయ్ ప్రకటించనుంది. ఇది తొమ్మిది కలర్లలో రానుంది, ఇందులోని ఎగ్జిక్యూటివ్, ప్రెస్టీజ్, ప్లాటినం, మరియు సిగ్నేచర్ వంటి నాలుగు వేరియంట్లు కొత్త రోబస్ట్ ఎమరాల్డ్ మ్యాట్ తో అందించబడతాయి.
ఎక్స్‌టీరియర్ పరంగా చెప్పాలంటే, కొత్త అప్ డేటెడ్ అల్కాజార్ భారీ ఫ్రేమ్ తో రానుండగా, కొత్తగా లో-సెట్ హెడ్ ల్యాంప్స్, హెచ్ షేప్ లో డీఆర్ఎల్స్, మరియు ఫ్యాన్ ఆకారంలో ఉండే ప్యాటర్న్ తో 18-ఇంచ్ అల్లాయ్ వీల్స్ ని పొందనుంది. ఇందులో హ్యుందాయ్ చేసిన అతి ముఖ్యమైన మార్పు ఏంటి అంటే, కారు దాని వెనుక భాగంలో ఒక సమూహాన్ని (పూర్తి) కలిగి ఉన్నట్లు ఉండే సిగ్నేచర్ కనెక్టెడ్ టెయిల్ ల్యాంప్స్ తో రానుంది. అలాగే ఇందులో మీరు రియర్ స్పాయిలర్, హై మౌంటెడ్ స్టాప్ ల్యాంప్, మరియు బాష్ ప్లేట్ డిజైన్ ని పొందుతారు. క్యాబిన్ వివరాలను హ్యుందాయ్ వెల్లడించకపోయినా, హ్యుందాయ్ క్రెటా కారులో అందించిన అప్ డేట్లతో ఈ కారు కూడా పొందనుంది. అలాగే, అల్కాజార్ ఆటోమేటిక్ వెర్షన్లలో లెవెల్-2 ఎడాస్ (ఏడీఏఎస్) అందిస్తున్నట్లు ఆటోమేకర్ నిర్దారించింది.
2024 అల్కాజార్ మరింత మెరుగైన, సమర్థవంతమైన పవర్ ట్రెయిన్లతో రానుంది. ఇందులోని 1.5-లీటర్ జిడిఐ పెట్రోల్ ఇంజిన్ 6-స్పీడ్ మాన్యువల్ ట్రాన్స్‌మిషన్ మరియు డ్యూయల్ క్లచ్ ట్రాన్స్‌మిషన్ (డిసిటి)తో జతచేయబడి రానుంది. అలాగే, ఈ ఎస్‍యూవీలోని 1.5 యు2 సిఆర్‌డిఐ డీజిల్ ఇంజిన్ 6-స్పీడ్ మాన్యువల్ మాన్యువల్ ట్రాన్స్‌మిషన్ మరియు 6-స్పీడ్ ఆటోమేటిక్ ట్రాన్స్‌మిషన్ తో జతచేయబడి రానుంది.
అనువాదించిన వారు: సంజయ్ కుమార్
