- రెండు ఇంజన్ ఆప్షన్లతో అందించబడుతున్న అల్కాజార్ ఫేస్లిఫ్ట్
- రూ. 15 లక్షలతో ధరలు ప్రారంభం
హ్యుందాయ్ మోటార్ ఇండియా సెప్టెంబర్ 9వ తేదీన ఇండియాలో అల్కాజార్ ఫేస్లిఫ్ట్ను లాంచ్ చేసింది. ఈ క్రెటా-ఆధారిత మూడు-వరుసల ఎస్యూవీ 4 వేరియంట్లలో రూ.15 లక్షల ఎక్స్-షోరూమ్ ప్రారంభ ధరతో అందుబాటులో ఉంది. అలాగే, కొత్త అల్కాజార్ రెండు ఇంజిన్ ఆప్షన్స్ తో అందించబడుతుంది. అంతేకాకుండా, ఈ మోడల్ ఏఆర్ఏఐ- క్లెయిమ్డ్ ఫ్యూయల్ ఎఫిషియన్సీకి సంబంధించిన నంబర్ల వివరాలు కూడా అధికారికంగా వెల్లడయ్యాయి. ఈ ఫ్యూయల్-ఎఫిషియన్సీ నంబర్ల ద్వారా అల్కాజార్ ఫేస్లిఫ్ట్ కారు లీటరుకు ఎంత మైలేజీ ఇస్తుందో మనకు కొంత అవగాహన వస్తుంది. త్వరలోనే దీని రియల్-వరల్డ్ మైలేజీ వివరాలను మీకు అందిస్తాము.
2024 హ్యుందాయ్ అల్కాజార్ ప్లాటినం, సిగ్నేచర్, ప్రెస్టీజ్ మరియు ఎగ్జిక్యూటివ్ వేరియంట్లలో, 6-సీట్స్ మరియు 7- సీట్స్ లేఅవుట్లలో అందుబాటులో ఉంది. మెకానికల్గా, ఎస్యూవీ 1.5-లీటర్ టర్బో-పెట్రోల్ మరియు 1.5-లీటర్ డీజిల్ ఇంజిన్ ను పొందగా, ఈ రెండూ 6 -స్పీడ్ మాన్యువల్ గేర్బాక్స్ను కలిగి ఉంటాయి. ఆటోమేటిక్ వెర్షన్ల విషయానికొస్తే, పెట్రోల్ వేరియంట్స్ 7-స్పీడ్ డిసిటిని పొందగా, డీజిల్ ఇంజిన్ 6-స్పీడ్ టార్క్ కన్వర్టర్ యూనిట్తో జత చేయబడింది.
ఇంజిన్ | 1.5-లీటర్ టర్బో-పెట్రోల్ | 1.5-లీటర్ డీజిల్ |
పవర్ అవుట్పుట్ | 158bhp/253Nm | 113bhp/250Nm |
సరికొత్త హ్యుందాయ్ అల్కాజార్ ఏఆర్ఏఐ-క్లెయిమ్డ్ మైలేజ్ నంబర్లు క్రింద పట్టికలో ఇవ్వబడ్డాయి:
పెట్రోల్ 6-స్పీడ్ మాన్యువల్ | పెట్రోల్ 7-స్పీడ్ డిసిటి | డీజిల్ 6-స్పీడ్ మాన్యువల్ | డీజిల్ 6-స్పీడ్ టార్క్ కన్వర్టర్ |
17.5కెఎంపిఎల్ | 18కెఎంపిఎల్ | 20.4కెఎంపిఎల్ | 18.1కెఎంపిఎల్ |
అనువాదించిన వారు: రాజపుష్ప