ఎక్స్‌క్లూజివ్‌! ప్రారంభమైన టాటా ఆల్ట్రోజ్ రేసర్ అనధికార బుకింగ్స్, బుకింగ్ అమౌంట్ ఎంతంటే!

• జూన్ మధ్యలో లాంచ్ కాబోతున్న ఆల్ట్రోజ్ రేసర్
• రెండు వేరియంట్లలో అందించబడే అవకాశం

మనం అందరం పెర్ఫార్మెన్స్-ఫోకస్డ్ టాటా ఆల్ట్రోజ్ రేసర్ ధరల ప్రకటన గురించి ఎదురుచూస్తుండగా, దేశవ్యాప్తంగా ఉన్న సెలెక్ట్ డీలర్ షిప్స్ వద్ద దీని బుకింగ్స్ కూడా స్వీకరించడం ప్రారంభమైంది. హ్యుందాయ్ N లైన్ తో పోటీపడుతున్న ఈ మోడల్ జూన్ మధ్యలో లాంచ్ కాబోతుండగా, కస్టమర్లు ఈ మోడల్ ని రూ. 21,000 టోకెన్ అమౌంట్ ని చెల్లించి బుక్ చేసుకోవచ్చు.

మాకు అందిన సమాచారం ప్రకారం, ఆల్ట్రోజ్ రేసర్ 1.2-లీటర్ టర్బో-పెట్రోల్ మోటార్ 6 –స్పీడ్ మాన్యువల్ గేర్ బాక్సుతో జత చేయబడి రెండు వేరియంట్లలో అందుబాటులోకి రానుంది. ఈ పెర్ఫార్మెన్స్ హ్యచ్ బ్యాక్ డిసిఎ (డిసిటి) గేర్ బాక్సుతో వచ్చే అవకాశం ఉందని మేము భావిస్తున్నాం. నెక్సాన్ మోడల్ నుంచి తీసుకోబడ్డ ఈ పెట్రోల్ ఇంజిన్ 118bhp మరియు 170Nm మాక్సిమం టార్కును ఉత్పత్తి చేయనుంది. 

ఫీచర్ల పరంగా చెప్పాలంటే, ఆల్ట్రోజ్ రేసర్ 10.25-ఇంచ్ టచ్ స్క్రీన్ ఇన్ఫోటైన్మెంట్ సిస్టం, వైర్ లెస్ స్మార్ట్ ఫోన్ కనెక్టివిటీ, క్రూయిజ్ కంట్రోల్, మరియు ఆల్-డిజిటల్ ఇంస్ట్రుమెంట్ క్లస్టర్ వంటి ఫీచర్లతో రానుంది. అలాగే, ఇందులో వైర్ లెస్ చార్జర్, ఆటోమేటిక్ క్లైమేట్ కంట్రోల్, వెంటిలేటెడ్ ఫ్రంట్ సీట్స్, 360-డిగ్రీ సరౌండ్ కెమెరా, మరియు ఎలక్ట్రికల్లీ అడ్జస్టబుల్ సింగిల్-పేన్  సన్ రూన్ వంటి ఫీచర్లు కూడా అందించబడతాయి. 

అనువాదించిన వారు: సంజయ్ కుమార్