- రూ. 10.90 లక్షలతో ధరలు ప్రారంభం
- లేటెస్టుగా గ్రావిటీ వేరియంట్‌ని అందుకున్నసెల్టోస్
కియా ఇండియా సెప్టెంబర్‌లో సెల్టోస్ ఎస్యూవీ ధరలను కొంత వరకు పెంచింది. పాపులర్ మిడ్-సైజ్ ఎస్‌యూవీలోని సెలెక్ట్ చేసిన వేరియంట్లపై రూ.8 వేల వరకు ధరలు పెరిగాయి. దీంతో, సెల్టోస్ ఇప్పుడు రూ. 10.90 లక్షలు ప్రారంభ ధరతో, దీని టాప్-స్పెక్ వెర్షన్ రూ. 20.45 లక్షల (ఎక్స్-షోరూమ్)ధరతో అందుబాటులో ఉంది.
కియా సెల్టోస్, HTE, HTK, HTK ప్లస్, HTX, గ్రావిటీ, HTX ప్లస్, GTX, GTX ప్లస్ (S), X-లైన్ (S), GTX ప్లస్ మరియు X-లైన్ అనే 11 వేరియంట్‌లలో అందించబడుతుంది. ధర పెంపు అప్‌డేట్ విషయానికొస్తే, HTK, HTK ప్లస్, HTX, HTX ప్లస్, GTX మరియు X-లైన్ వంటి వేరియంట్లపై రూ. 8వేల వరకు ధరలు పెరిగాయి. ముఖ్యంగా గమనించవలసిన విషయం ఏమిటంటే, పెట్రోల్ వెర్షన్ ప్రారంభ ధరలో ఎటువంటి మార్పు లేదు. కాకపోతే, డీజిల్ మోడల్ లోని బేస్ వేరియంట్ పై రూ. 5వేల వరకు ధర పెరిగింది.
ఇతర వార్తలలో చూస్తే, కియా సెల్టోస్ ఇటీవల కొత్త గ్రావిటీ వేరియంట్‌ని అందుకుంది. ఈ వేరియంట్ HTX వెర్షన్ కంటే ఎక్కువ ఫీచర్లను కలిగి రూ. 16.63 లక్షలు ప్రారంభ ధరతో అందుబాటులో ఉంది. ఫీచర్ వారీగా చెప్పాలంటే, సెల్టోస్ లోని గ్రావిటీ వేరియంట్ డాష్ కెమెరా, వెంటిలేటెడ్ ఫ్రంట్ సీట్స్, బోస్-సోర్స్డ్ మ్యూజిక్ సిస్టమ్, ఎలక్ట్రానిక్ పార్కింగ్ బ్రేక్ తో పాటుగా మరిన్నింటితో అందుబాటులో ఉంది.
అనువాదించిన వారు: రాజపుష్ప
