- 3 శాతం మేర పెరగనున్న ధరలు
- అన్నీ మోడల్స్ పై పెరిగిన ధరలు వర్తింపు
సిట్రోన్ ఇండియా తమ బ్రాండ్ పరిధిలో ఉన్న పలు మోడల్స్ పై 1 జనవరి, 2024 నుంచి ధరలను పెంచనున్నట్లు ప్రకటించింది. దీంతో మోడల్ రేంజ్ ని బట్టి అన్నీ మోడల్స్ ఎక్స్-షోరూం ధరలు 2.5-3 శాతం మేర పెరగనున్నాయి. ప్రస్తుతం, సిట్రోన్ ఇండియా దేశీయ మార్కెట్లో సిట్రోన్ C3,eC3, సిట్రోన్ C3 ఎయిర్ క్రాస్ మోడల్స్ ను విక్రయిస్తుంది.
అన్నీ పెరిగిన కొత్త ధరలు వచ్చే నెల జనవరి నుంచి వర్తిస్తాయి మరియు ఇప్పుడు లభించే మోడల్స్ ను 31 డిసెంబర్, 2023 లోపు ప్రస్తుత ధరలకే కొనుగోలు చేయవచ్చు. ఇంకా చెప్పాలంటే, సిట్రోన్ కార్లపై భారీగా సుమారు రూ. 3.5 lakh*వరకు డిస్కౌంట్స్ లభించనున్నాయి. డిస్కౌంట్ కి సంబంధించి ఏ మోడల్ పై ఎంత డిస్కౌంట్ లభించనుందో పూర్తి బ్రేకప్ ధర వివరాలు ఇప్పుడు చూద్దాం.
| మోడల్స్ | డిస్కౌంట్స్ |
| సిట్రోన్ C3 | రూ. 99,000* వరకు లభించనున్న బెనిఫిట్స్ |
| సిట్రోన్ C3 ఎయిర్ క్రాస్ | రూ. 1.5 లక్షలు*వరకు లభించనున్న బెనిఫిట్స్ |
| సిట్రోన్ C5 ఎయిర్ క్రాస్ | రూ. 3.5 లక్షలు*వరకు లభించనున్న బెనిఫిట్స్ |
C3 అనేది సిట్రోన్ బ్రాండ్ ఎంట్రీ-లెవల్ హ్యాచ్‌బ్యాక్ మరియు రెండు ట్యూన్‌లలో 1.2-లీటర్ పెట్రోల్ ఇంజన్‌తో లభిస్తుంది. ఇందులోని నేచురల్లీ ఆస్పిరేటెడ్ మరియు టర్బో పెట్రోల్ టైప్స్ వరుసగా 80bhp మరియు109bhp పవర్ ని ఉత్పత్తి చేస్తాయి. అదే విధంగా, C3 ఎయిర్ క్రాస్ ను తరువాతి పవర్‌ట్రెయిన్‌ను సహాయంతో, 5 మరియు 7 సీట్స్ లేఅవుట్‌తో పొందవచ్చు.
C5 ఎయిర్‌క్రాస్ బ్రాండ్ యొక్క ఫ్లాగ్‌షిప్ ఎస్‍యూవీ మరియు ఇది 2.0-లీటర్ డీజిల్ మోటార్‌ సహాయంతో 174bhp మరియు 400Nm పీక్ టార్కును ఉత్పత్తి చేస్తుంది. దీని ఇంజిన్ 8-స్పీడ్ ఆటోమేటిక్ గేర్ బాక్స్ తో జత చేయబడింది.
అనువాదించిన వారు: సంజయ్ కుమార్
