- సిట్రోన్ న్యూ ఢిల్లీ డీలర్ షిప్ వద్ద మొదటి బసాల్ట్ కారు డెలివరీ
- సిట్రోన్ డీలర్ షిప్స్ అంతటా డెలివరీ ప్రారంభం
కస్టమర్లకు బసాల్ట్ కూపే ఎస్యూవీని డెలివరీ చేస్తున్నట్లు సిట్రోన్ ఇండియా ప్రకటించింది. సిట్రోన్ బ్రాండ్ సీఈఓ థియరీ కోస్కాస్ సిట్రోన్ న్యూ ఢిల్లీ డీలర్ షిప్ వద్ద మొదటి బసాల్ట్ కారును కస్టమర్ కి అందజేశారు. ఇంకా చెప్పాలంటే, కస్టమర్లకు ఈ కారును డెలివరీ చేయడం కూడా ఈ వారమే ప్రారంభమైంది.
సిట్రోన్ బసాల్ట్ కారు రూ.7.99 లక్షల ఎక్స్-షోరూం ప్రారంభ ధరతో ఇండియాలో 2024 ఆగస్టు 9వ తేదీన లాంచ్ అయ్యింది. అదే విధంగా, ఇండియాలో బసాల్ట్ కూపే ఎస్యూవీ బుకింగ్స్ రూ.11,000 ధరతో ప్రారంభమయ్యాయి. ఇక్కడ మీరు గమనించాల్సిన అంశం ఏంటి అంటే, ఈ ప్రారంభ ధర అక్టోబర్ 31వ తేదీ వరకు చేసుకున్న బుకింగ్స్ కి మాత్రమే వర్తిస్తుంది. తర్వాత ధరలు పెంచే అవకాశం కూడా ఉందని ఆటో ఇండస్ట్రీ విశ్లేషకులు అంచనా వేస్తున్నారు.
బసాల్ట్ కారు 1.2-లీటర్, 3-సిలిండర్ పెట్రోల్ ఇంజిన్ ని నేచురల్లీ ఆస్పిరేటెడ్ మరియు టర్బో ఛార్జ్డ్ అనే రూపాల్లో పొందింది. ఈ కారు డీజిల్ వెర్షన్లో అందించబడలేదు. ఇందులోని నేచురల్లీ ఆస్పిరేటెడ్ పెట్రోల్ ఇంజిన్ 80bhp మరియు 115Nm టార్కును ఉత్పత్తి చేస్తుండగా, టర్బో ఛార్జ్డ్ పెట్రోల్ ఇంజిన్ 109bhp మరియు 190Nm టార్కును ఉత్పత్తి చేస్తుంది. (ఆటోమేటిక్ ట్రాన్స్మిషన్లో 205Nm టార్కు). నేచురల్లీ ఆస్పిరేటెడ్ పెట్రోల్ ఇంజిన్ ని 5-స్పీడ్ మాన్యువల్ గేర్ బాక్సుతో పొందవచ్చు, అలాగే టర్బో ఛార్జ్డ్ ఇంజిన్ ని 6-స్పీడ్ మాన్యువల్ ట్రాన్స్మిషన్ తో లేదా 6-స్పీడ్ ఆటోమేటిక్ ట్రాన్స్మిషన్ గేర్ బాక్సుతో జతచేసి పొందవచ్చు.
సిట్రోన్ బసాల్ట్ కారు ధర కొంచెం సామాన్యులకు అందుబాటులో ఉంది. దీని ఫలితంగా ఈ కూపే ఎస్యూవీ వివిధ సెగ్మెంట్లోని మోడల్స్ తో పోటీపడుతుంది. ఇందులో టాటా కర్వ్, హ్యుందాయ్ వెన్యూ, కియా సోనెట్, మహీంద్రా XUV 3XO మరియు మారుతి బ్రెజా మరియు ఫ్రాంక్స్ వంటి కార్లు ఉన్నాయి.
అనువాదించిన వారు: సంజయ్ కుమార్