ఇక మిగిలింది లాంచ్ మాత్రమే, సిట్రోన్ బసాల్ట్ కూపే ఆవిష్కరణ; వెల్లడైన టాప్ ఫీచర్ల వివరాలు

• ఈ ఏడాది చివర్లో లాంచ్ 
• రెండు పెట్రోల్ ఇంజన్ ఆప్షన్లతో వస్తున్న బసాల్ట్ కూపే 

సిట్రోన్ బసాల్ట్ ఈ సంవత్సరం చివరలో లాంచ్ కానుండగా, దీని కంటే ముందు అధికారికంగా ఆవిష్కరించబడింది. ఇది సిట్రోన్ నుంచి సి-క్యూబ్డ్ ప్రోగ్రామ్ కింద ఇండియాకు వచ్చిన నాలుగవ కారు కాగా, ఇది ఇండియన్ మార్కెట్లో రెండు పెట్రోల్ ఇంజన్ ఆప్షన్లతో అందించబడుతుంది.

ఇంటీరియర్ మరియు ఫీచర్ లిస్టు

ఇప్పటికే కొన్ని వారాల క్రితం మనం బసాల్ట్ కారు ఎక్స్‌టీరియర్ ని లుక్ ని చూశాము మరియు ఇప్పుడు మొదటిసారిగా, సిట్రోన్ కంపెనీ కారు ఇంటీరియర్ భాగాన్ని వెల్లడించింది. క్యాబిన్ బీజ్ మరియు బ్లాక్ కలర్లో ఉండగా, ఇందులో కొన్ని అంశాలు అచ్చం C3 ఎయిర్‌క్రాస్‌లో ఉన్నట్లు ఉన్నాయి. అయినప్పటికీ, రియర్ ఏసీ వెంట్‌లతో క్లైమేట్ కంట్రోల్, రెండవ వరుసలో అడ్జస్టబుల్ థై (తొడ) సపోర్ట్, ఫుల్లీ ఎల్ఈడీ హెడ్‌ల్యాంప్స్, రెండు వరుసలో ఆర్మ్‌రెస్ట్‌లు మరియు 6 ఎయిర్‌బ్యాగ్‌ల ద్వారా ఫీచర్ లిస్టు స్టాండర్డ్ గా అందించబడింది. ముఖ్యమైన విషయం ఏంటి అంటే, సన్‌రూఫ్, యాంబియంట్ లైటింగ్, వెంటిలేటెడ్ సీట్లు మరియు బటన్ స్టార్ట్ వంటి ఫీచర్లు ఇందులో లేవు. బూట్‌స్పేస్ 470 లీటర్లు ఉండగా, వీల్‌బేస్ 2.64 మీటర్లు ఉంది. దీంతో ఇది సెగ్మెంట్‌లోని పెద్ద కార్లలో ఒకటిగా నిలిచింది.

పవర్ ట్రెయిన్ ఆప్షన్లు

C3 ఎయిర్‌క్రాస్ లా కాకుండా, బసాల్ట్ కూపే 1.2 పెట్రోల్ మరియు 1.2-లీటర్ టర్బో-పెట్రోల్‌తో ఇంజిన్లతో అందించబడుతుంది. నేచురల్లీ ఆస్పిరేటెడ్ యూనిట్ 82bhp మరియు 155Nm ఉత్పత్తి చేస్తుండగా, ఇది 6-స్పీడ్ మాన్యువల్ ట్రాన్స్‌మిషన్ తో అందించబడుతుంది. టర్బో-పెట్రోల్ మాన్యువల్ ట్రాన్స్‌మిషన్ రూపంలో 109bhp మరియు 190Nm టార్కును ఉత్పత్తి చేస్తుండగా, ఆటోమేటిక్ ట్రాన్స్‌మిషన్ రూపంలో 205Nm టార్కును ఉత్పత్తి చేస్తుంది.

కలర్లు మరియు కీలక డిజైన్ అంశాలు

బసాల్ట్ ఆరు వేరువేరు కలర్లలో అందించబడుతుండగా, వేరియంట్‌ని బట్టి అల్లాయ్ వీల్స్ రెండు విభిన్నమైన డిజైన్లలో ఇందులో వచ్చాయి. ఇతర ముఖ్యాంశాలను పరిశీలిస్తే, ఇందులో ట్రెడిషనల్ డోర్ హ్యాండిల్స్, ఫాస్ట్‌బ్యాక్ రూఫ్‌లైన్, వీల్ ఆర్చ్‌లకు క్లాడింగ్ మరియు ఫుల్ ఎల్ఈడీ లైట్ ప్యాకేజీ వంటివి ఉన్నాయి.

పోటీ మరియు లాంచ్

బసాల్ట్ కూపే కారు ఈ సంవత్సరం చివర్లో వస్తుండగా, సిట్రోన్ కొత్త బడ్జెట్ ఫ్లాగ్‌షిప్ కారు ఇది. ఇది హ్యుందాయ్ క్రెటా, కియా సెల్టోస్, ఎంజి ఆస్టర్ మరియు హోండా ఎలివేట్ వంటి కార్లతో పోటీని ఎదుర్కొంటుంది. సిట్రోన్ దాని ఫీచర్ లిస్టును అప్ డేట్ చేయడం ద్వారా ఈ సంవత్సరం కాలంలో మరో మూడు సిట్రోన్ బడ్జెట్ కార్లు వచ్చే అవకాశం ఉంది.