- రెండు ఇంజిన్ ఆప్షన్లతో అందించబడనున్న బసాల్ట్ కూపే
- మరికొన్ని వారాల్లో లాంచ్ అవుతుందని అంచనా
గత వారం చివరలో, మరికొన్ని వారాల్లో బసాల్ట్ కూపే లాంచ్ కానుండగా, దాని కంటే ముందుగా సిట్రోన్ కంపెనీ ప్రొడక్షన్-రెడీ బసాల్ట్ కూపే ఎస్‍యూవీని ఆవిష్కరించింది. దానితో పాటుగా, కార్ మేకర్ వీటి స్పెసిఫికేషన్లు మరియు ఫీచర్ల వివరాలను ప్రకటించింది.
కొత్త బసాల్ట్ కారు బానెట్ కింద, రెండు ఇంజిన్ ఆప్షన్లతో అందుబాటులోకి రానుంది. మొదటి 1.2-లీటర్ నేచురల్లీ ఆస్పిరేటెడ్ పెట్రోల్ మోటార్ 80bhp and 115Nm టార్కును ఉత్పత్తి చేస్తుండగా, ఇది 5-స్పీడ్ మాన్యువల్ ట్రాన్స్‌మిషన్ గేర్ బాక్సుతో జతచేయబడి రానుంది. అలాగే, రెండోది 1.2-లీటర్, త్రీ-సిలిండర్, టర్బో-పెట్రోల్ ఇంజిన్ 109bhp పవర్ ని జనరేట్ చేస్తుంది. ఇంకా ట్రాన్స్‌మిషన్ ఆప్షన్ల విషయానికి వస్తే, ఇందులో 6-స్పీడ్ మాన్యువల్ మరియు టార్క్ కన్వర్టర్ ఆటోమేటిక్ యూనిట్లు లభిస్తుండగా, ఇవి వరుసగా 190Nm మరియు 205Nm టార్కును ఉత్పత్తి చేస్తాయి.
వెర్షన్-వారీగా సిట్రోన్ బసాల్ట్ మైలేజీ వివరాలు కింది విధంగా ఉన్నాయి:
| వేరియంట్ | గేర్ బాక్స్ | మైలేజీ (కి.మీ.) |
| 1.2 ఎన్ఎ పెట్రోల్ ఇంజిన్ | 5ఎంటి | 18కెఎంపిఎల్ |
| 1.2 టర్బో పెట్రోల్ ఇంజిన్ | 6ఎంటి | 19.5కెఎంపిఎల్ |
| 1.2 టర్బో పెట్రోల్ ఇంజిన్ | 6ఎటి | 18.7కెఎంపిఎల్ |
2024 సిట్రోన్ బసాల్ట్ లో అందించబడిన కీలక ఫీచర్ల వివరాలలో ఎల్ఈడీ ప్రొజెక్టర్ హెడ్ ల్యాంప్స్, 16-ఇంచ్ అల్లాయ్ వీల్స్, రాప్-అరౌండ్ (గుండ్రని) టెయిల్ లైట్స్, రియర్ ఏసీ వెంట్స్, రెండవ వరుసలోని కూర్చున్న ప్యాసింజర్లకు సపోర్ట్ గా ఉండే అడ్జస్టబుల్ థై (తొడ) సపోర్ట్ ఫీచర్, వైర్ లెస్ కనెక్టివిటీతో 10.25-ఇంచ్ టచ్ స్క్రీన్ సిస్టం, స్టాండర్డ్ గా 6 ఎయిర్ బ్యాగ్స్, మరియు ఆటోమేటిక్ క్లైమేట్ కంట్రోల్ వంటి ఫీచర్లు ఉన్నాయి.
అనువాదించిన వారు: సంజయ్ కుమార్
