- టాప్ –స్పెక్ వేరియంట్ ధర రూ.13.62 లక్షలు
- మూడు వెర్షన్లు మరియు రెండు పవర్ ట్రెయిన్ ఆప్షన్లతో అందించబడిన బసాల్ట్
కొన్ని రోజుల క్రితం సిట్రోన్ ఇండియా బసాల్ట్ కారులోని బేస్ వేరియంట్ ధరను ప్రకటించి అందరిని ఆశ్చర్యానికి గురి చేసింది. మొత్తానికి ఈరోజు బసాల్ట్ కారు మిగతా వేరియంట్ల ధరలను ప్రకటించింది, దీంతో, ఇప్పుడు కొత్త బసాల్ట్ కారు లైనప్ లోని అన్ని వేరియంట్ల ధరలు వచ్చేశాయన్నమాట. ఈ కూపే ఎస్‍యూవీ మొత్తంగా మూడు వెర్షన్లలో అందుబాటులోకి వచ్చింది. అందులో యూ, ప్లస్, మ్యాక్స్ వంటి వెర్షన్లు ఉన్నాయి. వీటి ఎక్స్-షోరూం ధర రూ.7.99 లక్షలతో ప్రారంభమైంది. ఇంత తక్కువ ధరకు బసాల్ట్ కారును సిట్రోన్ తీసుకురావడం కార్లను అమితంగా ఇష్టపడే వారికి గుడ్ న్యూస్ అని చెప్పవచ్చు.
ఇది వరకే మేము బేస్-స్పెక్ యూ వేరియంట్ ధరను పొందగా, ఇప్పుడు ఆటోమేకర్ మిగతా వేరియంట్ల ధరలను కూడా ప్రకటించడంతో, బసాల్ట్ లోని అన్నీ వేరియంట్ల ధరలను మేము కలిగి ఉన్నాము. వేరియంట్ వారీగా సిట్రోన్ బసాల్ట్ కారు ఎక్స్-షోరూం ధరలు కింది విధంగా ఉన్నాయి.
| వేరియంట్లు | ఎక్స్-షోరూం ధర |
| 1.2 ఎన్ఎయూ | రూ. 7.99 లక్షలు |
| 1.2 ఎన్ఎ ప్లస్ | రూ. 9.99 లక్షలు |
| 1.2 టర్బో ప్లస్ | రూ. 11.49 లక్షలు |
| 1.2 టర్బో ఎటి ప్లస్ | రూ. 12.79 లక్షలు |
| 1.2 టర్బో మ్యాక్స్ | రూ. 12.28 లక్షలు |
| 1.2 టర్బో ఎటి మ్యాక్స్ | రూ. 13.62 లక్షలు |
మెకానికల్ గా, సిట్రోన్ బసాల్ట్ కారులోని జెన్ 3 ప్యూర్ టెక్ 1.2-లీటర్ పెట్రోల్ ఇంజిన్ నేచురల్లీ ఆస్పిరేటెడ్ మరియు టర్బో రకాలలో వచ్చింది. ఈ రెండు మోటార్లు 3-సిలిండర్ తో రాగా, వరుసగా 80bhp/115Nm టార్కునుమరియు 109bhp/190Nm టార్కును ఉత్పత్తి చేస్తాయి. ఇంకా ట్రాన్స్‌మిషన్ ఆప్షన్లను పరిశీలిస్తే, నేచురల్లీ ఆస్పిరేటెడ్ పెట్రోల్ ఇంజిన్ 5-స్పీడ్ మాన్యువల్ గేర్ బాక్సుతో జతచేయబడి రాగా, టర్బోచార్జ్డ్ పెట్రోల్ ఇంజిన్ 6-స్పీడ్ మాన్యువల్ మరియు ఆటోమేటిక్ టార్క్ కన్వర్టర్ యూనిట్లతో జతచేయబడి వచ్చింది.
అనువాదించిన వారు: సంజయ్ కుమార్
