- సింగిల్ ఛార్జ్ పై 600కిలోమీటర్ల డ్రైవింగ్ రేంజ్ అందించనున్న EV3 మోడల్
- స్టాండర్డ్ మరియు GT-లైన్ వెర్షన్‌లలో అందుబాటులోకి రానున్న కియా EV3
కియా కంపెనీ మొత్తానికి ఎంట్రీ-లెవల్ ఆల్-ఎలక్ట్రిక్ ఎస్‍యూవీ, EV3ని ప్రపంచవ్యాప్తంగా ఆవిష్కరించింది. ఈ 5-సీటర్ ఎస్‍యూవీ స్టాండర్డ్ మరియు GT-లైన్ అనే రెండు వేరియంట్లలో తొమ్మిది ఎక్స్‌టీరియర్ కలర్ ఆప్షన్లలో అందించబడుతుంది. EV3 మోడల్ ని చూస్తే, డిజైన్, క్లాస్-లీడింగ్ క్యాబిన్ స్పేస్, ఫీచర్లు మరియు డ్రైవింగ్ రేంజ్ బట్టి EV9ని పోలి ఉంటుంది.
ఎక్స్‌టీరియర్ పరంగా బయటి వైపు చూస్తే, కియా EV3 బ్లాంక్డ్-ఆఫ్ గ్రిల్,చూడడానికి టైగర్-నోస్ ని తలపించేలాఎల్-షేప్డ్ ఎల్ఈడీ డీఆర్ఎల్స్ తో ఫాసియా, క్యూబికల్-షేప్డ్ ఎల్ఈడీ హెడ్‌ల్యాంప్స్ మరియు లోయర్ బంపర్‌లో విశాలమైన ఎయిర్ ఇన్‌లెట్‌లతో సిగ్నేచర్ కియా ఈవీ లుక్ ని కలిగి ఉంది. మొత్తం డిజైన్ ఫ్లాగ్‌షిప్ EV9 ఎస్‍యూవీని పోలి ఉంటుంది.
కారు సైడ్ ప్రొఫైల్ చూస్తే, EV3 స్క్వేర్డ్-ఆఫ్ వీల్ ఆర్చ్‌లు, వైట్ ఇన్సర్ట్‌లతో బ్లాక్డ్-అవుట్ అల్లాయ్ వీల్స్, బ్లాక్-అవుట్ పిల్లర్లు, ఫ్లష్-ఫిట్టింగ్ ఫ్రంట్ డోర్ హ్యాండిల్స్ మరియు సి-పిల్లర్-మౌంటెడ్ రియర్ డోర్ హ్యాండిల్స్‌ను పొందింది.
కారు వెనుక భాగాన చూస్తే, కియా EV3లో రెండు చివర్లలో పొడిగించి ఉన్న ఎల్-షేప్డ్ ఎల్ఈడీ టెయిల్‌ల్యాంప్స్, బ్లాక్ క్లాడింగ్‌తో కూడిన భారీ బంపర్, రూఫ్ స్పాయిలర్, షార్క్-ఫిన్ యాంటెన్నా, సెన్సార్‌లతో కూడిన రివర్స్ పార్కింగ్ కెమెరా మరియు పనోరమిక్ సన్‌రూఫ్ వంటి ఫీచర్లు ఉన్నాయి. ముఖ్యంగా, ఈ ఎస్‍యూవీని అవెంచురిన్ గ్రీన్ మరియు టెర్రాకోటా అనే రెండు స్పెషల్ కలర్లతో కలిపి మొత్తం తొమ్మిది కలర్ ఆప్షన్లలో పొందవచ్చు.
ఇంటీరియర్ పరంగా లోపలి భాగంలో, EV3 క్యాబిన్లో ఆఫ్-సెట్ కియా లోగోతో త్రీ-స్పోక్ స్టీరింగ్ వీల్, ఇన్ఫోటైన్‌మెంట్ మరియు ఇన్‌స్ట్రుమెంట్ ప్యానెల్ కోసం ట్విన్ 12.3-ఇంచ్ డిస్‌ప్లేలు, స్టోరేజ్‌తో ఫ్లోటింగ్ సెంటర్ కన్సోల్, 360-డిగ్రీ సరౌండ్ కెమెరా,డ్యూయల్-జోన్ క్లైమేట్ కంట్రోల్, యాంబియంట్ లైటింగ్, వైర్‌లెస్ ఛార్జర్, ఆటో-డిమ్మింగ్ ఐఆర్‍విఎంమరియు ఎడాస్ (ఏడీఏఎస్)సూట్ వంటి ఫీచర్లను మనం చూడవచ్చు. స్టోరేజ్ కెపాసిటీ విషయానికొస్తే, కియా EV3 460 లీటర్ల బూట్ స్పేస్ మరియు 25-లీటర్ ఫ్రంక్‌ను పొందింది.
ఇంటీరియర్ కలర్స్ విషయానికి వస్తే, గాలి, భూమి మరియు నీరు అంశాల ప్రేరణతో వచ్చిన సబ్టిల్ గ్రే, వార్మ్ గ్రే, బ్లూ అనే కలర్లను కస్టమర్లు ఎంచుకోవచ్చు మరియు GT-లైన్ వేరియంట్ ని ఎక్స్‌క్లూజివ్‌ ఒనిక్స్ బ్లాక్ కలర్ లో కూడా కస్టమర్లు ఎంచుకోవచ్చు.
డైమెన్షన్ల పరంగా చూస్తే, కియా EV3 4,300mm పొడవు, 1,850mm వెడల్పు మరియు 1,560mm ఎత్తుతో పాటు 2,680mm వీల్‌బేస్‌ని కలిగి ఉంది. ఈ ఎలక్ట్రిక్ ఎస్‍యూవీ “బ్రాండ్ E-GMP ఆర్కిటెక్చర్” ఆధారంగా ఫ్రంట్-వీల్ డ్రైవ్‌ట్రెయిన్‌తో రూపొందించబడింది. అదే విధంగా దీనిని 58.3kWh యూనిట్ మరియు 81.4kWh యూనిట్ అనే రెండు బ్యాటరీ ప్యాక్ ఆప్షన్లలో పొందవచ్చు. ఒక్కసారి ఛార్జ్ చేస్తే ఈ మోడల్ మాక్సిమం 600 కిలోమీటర్ల (WLTP-సైకిల్) డ్రైవింగ్ రేంజ్ ని అందిస్తుంది. ఇందులోని బ్యాటరీ ప్యాక్‌ను కేవలం 31 నిమిషాల్లో 10 నుంచి 80 శాతం వరకు ఛార్జ్ చేయవచ్చు. పెర్ఫార్మెన్స్ విషయానికొస్తే, 283Nm గరిష్ట టార్క్‌తో, EV3 కేవలం 7.5 సెకన్లలో 0 నుండి 100 కిలోమీటర్ల వేగాన్ని అందుకుంటుంది.
అనువాదించిన వారు: సంజయ్ కుమార్
