- రీడిజైన్డ్ ఫ్రంట్ మరియు రియర్ ప్రొఫైల్ ని పొందిన ZS మోడల్
- ప్రపంచవ్యాప్తంగా హైబ్రిడ్ పవర్ ట్రెయిన్ తో లభ్యం
ఇంటర్నేషనల్ మార్కెట్లో దాని ఆల్-న్యూ ZS అనే కారును అధికారికంగా ఎంజి మోటార్స్ ఆవిష్కరించింది. 2025 అప్ డేట్ ద్వారా ZSకారు ఎక్స్‌టీరియర్ మరియు ఇంటీరియర్ వంటి వాటిలో అనేక మార్పులను ఎంజి కంపెనీ తీసుకువచ్చింది. ప్రపంచవ్యాప్తంగా ZSకారు హైబ్రిడ్+ పవర్ ట్రెయిన్ తో అందించబడింది. అయితే, ఇండియాలో ఈ మోడల్ రెండు ఇటరేషన్లను పొందింది. అందులో ZS ఈవీ కారు ఆల్-ఎలక్ట్రిక్ వెర్షన్ గా కాగా, ఆస్టర్ కారు ఐసీఈ మోడల్ గా వచ్చింది.
ముందుగా ఈ కారు ఎక్స్‌టీరియర్ నుంచి ప్రారంభిస్తే, కొత్త ZSకారు పెద్ద గ్రిల్ తో అగ్రెసివ్ ఫేసియాను పొందుతుంది, అలాగే విశాలమైన మరియు నిలువుగా అమర్చబడిన డిజైన్డ్ ఎయిర్ డ్యాంప్స్, హెడ్ ల్యాంప్స్ ని కనెక్ట్ చేసేలా ఉన్న పూర్తి లైట్ బార్, అందులో చిన్నపాటి ఎల్ఈడీ డీఆర్ఎల్స్, మరియు రీపోజిషన్ చేయబడిన ఎంజి లోగో రాగా, ఇది ఇప్పుడు బానెట్ పై వచ్చింది.
సైడ్ ప్రొఫైల్ విషయానికి వస్తే, కొంచెం అటు ఇటుగా గతంలో వచ్చిన ఇటరేషన్ లాగా అనిపిస్తుండగా, ఇది కొద్దిగా ట్వీక్ చేయబడిన అల్లాయ్ వీల్ ప్యాటర్న్ తో వచ్చింది. వెనుక ప్రొఫైల్ లో ఆల్-న్యూ ZS, అదేనండీ అందరూ పిలుస్తున్న ఆస్టర్ కారు స్ప్లిట్ డిజైన్ తో రీవర్క్డ్ బంపర్ మరియు రీడిజైన్డ్ టెయిల్ ల్యాంప్స్ ని పొందింది. ఇతర డిజైన్ హైలైట్లలో టెయిల్ గేట్ పై రీపోజిషన్ చేయబడిన బ్రాండ్ లోగో, ఇంటిగ్రేటెడ్ స్టాప్ ల్యాంప్ తో విశాలమైన రియర్ స్పాయిలర్, రియర్ వైపర్, మరియు డ్యూయల్ ఎగ్జాస్ట్ అవుట్ లెట్లను తలపించేలా ఉన్న సిల్వర్ ఫాక్స్ ప్యాటర్న్ వంటివి ఉన్నాయి.
ఇంటీరియర్ పరంగా, లోపల గుర్తించదగిన మార్పులు ఎక్కువగానే ఉన్నాయి. అందులో భారీ 12.3-ఇంచ్ ఇన్ఫోటైన్మెంట్ స్క్రీన్ ని కలిగి ఉన్న కొత్త డ్యాష్ బోర్డు లేఅవుట్, రీషేప్డ్ ఏసీ వెంట్స్, కొత్త స్టీరింగ్ వీల్, 7-ఇంచ్ డిజిటల్ ఇంస్ట్రుమెంట్ ప్యానెల్, మరియు కొత్త గేర్ లీవర్ తో రీడిజైన్డ్సెంటర్ కన్సోల్ వంటివి ఉన్నాయి. ఇంకా ఫీచర్ల విషయానికి వస్తే, కొత్త ZS హైబ్రిడ్+ కారు వైర్ లెస్ స్మార్ట్ ఫోన్ కనెక్టివిటీ, ఎడాస్ (ఏడీఏఎస్) సూట్, వైర్ లెస్ ఛార్జర్, టైప్-సి ఛార్జింగ్ పోర్ట్, ఆటో హోల్డ్ తో ఎలక్ట్రానిక్ పార్కింగ్ బ్రేక్, ఆటోమేటిక్ క్లైమేట్ కంట్రోల్, 360-డిగ్రీ కెమెరా వంటి ఫీచర్లతో వచ్చింది.
మెకానికల్ గా, ఎంజి ZS హైబ్రిడ్+ లోని 1.5-లీటర్ 4-సిలిండర్ పెట్రోల్ ఇంజిన్ ఎలక్ట్రిక్ మోటారుతో జతచేయబడి వచ్చింది. ఈ రెండింటితో కలిపి హైబ్రిడ్+ కారు 192bhp పవర్ అవుట్ పుట్ ని అందిస్తుంది. దీని ప్రత్యేకత ఏంటి అంటే, ఈ కారు కేవలం 8.7 సెకన్లలో జీరో నుంచి 100 కెఎంపిహెచ్ వేగాన్ని అందుకుంటుంది.
అనువాదించిన వారు: సంజయ్ కుమార్
