- కారు వెనుకభాగంలో చిన్న మార్పులతో రీవర్క్డ్ ఫాసియాను పొందనున్న ఫేస్లిఫ్ట్
- మెకానికల్ గా ఎలాంటి మార్పులు లేకుండా ఇండియాకి రానున్న 2025 గ్రాండ్ చెరోకీ
జీప్ కంపెనీ దాని 5వ జనరేషన్ గ్రాండ్ చెరోకీ ఎస్యూవీ ఫేస్లిఫ్ట్ వెర్షన్పై అంతర్జాతీయంగా టెస్టింగ్ నిర్వహిస్తుంది. ఈ మోడల్ ఇండియాలో మొదటిసారిగా 2022లో గ్రాండ్ గా లాంచ్ చేయబడింది. అంతర్జాతీయంగా దీని ధర ఎక్కువ ఉన్నందున, ధరను తగ్గించడానికి జీప్ కంపెనీ ఈ మోడల్ ని లోకల్ గా ఇక్కడే అసెంబుల్ చేసింది. లేటెస్టుగా ఈ ఎస్యూవీ ఫేస్లిఫ్టెడ్ వెర్షన్ కారు ఫ్రంట్ ప్రొఫైల్ కనిపించకుండా కామోఫ్లేజ్ తో కప్పబడి కనిపించగా, దీనిని గమనిస్తే,కారు ముందు భాగంలో ముఖ్యమైన మార్పులు చేయబడ్డాయి.
స్పై షాట్లలో చూసిన విధంగా, 2025 గ్రాండ్ చెరోకీ భారీ రీవర్క్ చేయబడిన ఫ్రంట్ ఫాసియాను పొందనుంది. అలాగే ఇది రివైజ్డ్ హెడ్ ల్యాంప్స్, వైడర్ 7-స్లాట్ గ్రిల్, మరియు ఎడాస్ (ఏడీఏఎస్)తో ట్వీక్డ్ ఫ్రంట్ బంపర్స్ మరియు ఇంతకు ముందున్న పొజిషన్ కంటే కొద్దిగా పైకి పార్కింగ్ సెన్సార్లు పొజిషన్ చేయబడ్డాయి. డిజైన్ పరంగా చూస్తే, ఈ కారు కొత్త డిజైన్ తో అల్లాయ్స్ ని పొందనుంది.
ప్రస్తుతం విక్రయించబడుతున్న గ్రాండ్ చెరోకీతో పోలిస్తే ఫేస్లిఫ్ట్ వెర్షన్ కారు సైడ్ మరియు రియర్ ప్రొఫైల్ కొంచెం అటుఇటుగా చిన్న చిన్న మార్పులతో రావచ్చు. అయితే, ఎస్యూవీకి సంబంధించిన గత స్పై షాట్లను చూస్తే, జీప్ బ్రాండ్ ఈ కారు టెస్టింగ్ దశలో ఉన్నప్పుడు రియర్ ప్రొఫైల్ లో మార్పులు చేసే అవకాశం ఉంది.
మెకానికల్ గా, జీప్ కంపెనీ 2025 గ్రాండ్ చెరోకీలోని పవర్ ట్రెయిన్లలో ఎలాంటి మార్పులు లేకుండా ఇండియాలో లాంచ్ చేసే అవకాశం ఉంది. ఈ ఎస్యూవీలోని 2.0-లీటర్ టర్బో-పెట్రోల్ ఇంజిన్ 8-స్పీడ్ ఆటోమేటిక్ గేర్ బాక్స్ మరియు క్వాడ్రా-ట్రాక్ 4x4 సిస్టంతో జతచేయబడింది. ఈ కండీషన్ లో, ఈ కారు ఇంజిన్ 268bhp మరియు 400Nm పీక్ టార్కును ఉత్పత్తి చేస్తుంది.
సేల్స్ పరంగా ఇండియాలో జీప్ గ్రాండ్ చెరోకీ కారుపై కస్టమర్లు పెద్దగా ఆసక్తి కనబరచకపోవడంతో సేల్స్ పరంగా ఈ కారు అంతంత మాత్రంగానే విక్రయించబడింది. చెరోకీ కారు అప్ డేట్ ద్వారా లేదా మరికొన్ని సంవత్సరాల్లో ఇతర మోడల్స్ ద్వారా ఇండియన్ మార్కెట్లో అమెరికన్ ఆటోమేకర్ సేల్స్ పెరుగుతాయా లేదా అన్నది ఆసక్తికరంగా మారింది.
అతి ముఖ్యమైన విషయం ఏంటి అంటే, కారు సేల్స్ ని పెంచడానికి కారు మానుఫాక్చరర్ గ్రాండ్ చెరోకీపై భారీగా రూ.12 లక్షల వరకు డిస్కౌంట్స్ అందిస్తుంది.
అనువాదించిన వారు: సంజయ్ కుమార్