- ప్రీ-లాంచ్ బుకింగ్స్ ప్రారంభం
- అక్టోబర్ 3వ తేదీన లాంచ్ కానున్న కియా కార్నివాల్
కియా ఇటీవల ఇండియాలో కొత్త కార్నివాల్ అధికారిక బుకింగ్లను ప్రారంభించింది. కొనుగోలుదారులు రూ. 2 లక్షలు టోకెన్ అమౌంట్ చెల్లించి కార్నివాల్ ను ఆర్డర్ చేయవచ్చు. అలాగే, అక్టోబర్ 3వ తేదీన లాంచ్ కానున్న కార్నివాల్ వేరియంట్ల వారీగా ధరలు అదే రోజున ప్రకటించబడనున్నాయి. అప్పటివరకు, అప్ కమింగ్ (రాబోయే) లగ్జరీ ఎంపివి అన్ని స్పెసిఫికేషన్లను వివరించే ఫోటోలు అన్ని ఇక్కడ ఉన్నాయి.
కొత్త కియా కార్నివాల్ ఇమేజ్ గ్యాలరీ
ఇండియా-స్పెక్ కియా కార్నివాల్ ఇంటర్నేషనల్-స్పెక్ ను పోలి ఉంటుంది మరియు ఇది సిబియు రూట్ లో ఇండియాకు చేరనుంది. అంతేకాకుండా, కియా కార్నివాల్ లిమోసిన్ మరియు లిమోసిన్ ప్లస్ అనే రెండు వేరియంట్లలో అందించబడుతుంది.
ఇది సరికొత్త ఇటరేషన్ కాగా మరియు ఇది ఫోర్త్-జెన్ కియా కార్నివాల్గా ఇండియన్ మార్కెట్లో లాంచ్ చేయబడుతుంది. అలాగే, ఇది 2023 ఆటో ఎక్స్పోలో కియా KA4గా ప్రదర్శించబడింది.
డిజైన్ పరంగా, ఇది నిలువుగా అమర్చబడిన ఎల్ఈడీ హెడ్ల్యాంప్స్ మరియు ఎల్- షేప్డ్ ఎల్ఈడీ డీఆర్ఎల్స్ తో విశాలమైన గ్రిల్ను పొందుతుంది. అదే సమయంలో, వెనుక భాగంలో ఎల్ఈడీ లైట్ బార్ ద్వారా కనెక్ట్ చేయబడిన ఎల్-షేప్డ్ ఎల్ఈడీ టెయిల్ల్యాంప్స్ వంటి వాటితో డిజైన్ చేయబడింది.
లోపలి భాగంలో, కొత్త కార్నివాల్లో డ్యూయల్ సన్రూఫ్స్, వెంటిలేషన్ లెగ్ సపోర్ట్తో రెండవ వరుసలో ఎలక్ట్రికల్గా సర్దుబాటు చేయగల సీట్స్ వంటి ఫీచర్లు ఉన్నాయి.
ఇంకా ఇందులో ఇతర ఫీచర్లు చూస్తే, 12-స్పీకర్ బోస్ సౌండ్ సిస్టమ్, డ్యూయల్ 12.3-ఇంచ్ కర్వ్డ్ డిస్ప్లే, పవర్ స్లైడింగ్ డోర్స్ మరియు లెవల్ 2 ఏడీఏఎస్(ఎడాస్) సూట్ వంటివి ఉన్నాయి.
పవర్ట్రెయిన్
అప్ కమింగ్ (రాబోయే) కొత్త ఎంపివి ఇంతకు ముందున్న మోడల్లో అందించబడిన అదే ఇంజిన్ మోటార్ తో అందించబడుతుందని భావిస్తున్నాం. ఇందులో ఉండే 2.2-లీటర్ డీజిల్ ఇంజిన్ 191bhp మరియు 441Nm టార్క్ ఉత్పత్తి చేస్తుంది. దీని మోటార్ ఆటోమేటిక్ ట్రాన్స్మిషన్తో జతచేయబడుతుంది.
అనువాదించిన వారు: రాజపుష్ప