- అన్నీ హ్యుందాయ్ డీలర్ షిప్స్ వద్ద ప్యాకేజీలు లభ్యం
- అధికారికంగా మోబిస్ ద్వారా విక్రయం
హ్యుందాయ్ కంపెనీ రీఫ్రెష్డ్ అల్కాజార్ మోడల్ ని ఇండియాలో లాంచ్ చేసింది. అదే విధంగా ప్రస్తుతం విక్రయించబడుతున్న అవుట్ గోయింగ్ వెర్షన్ లో అలాగే కొత్త మోడల్ లో కూడా అధికారిక పార్టనర్ మోబిస్ తో జతకట్టి వివిధ రకాలైన యాక్సెసరీలను అందించింది. ఇందులో మీకు 46 రకాల పర్సనలైజేషన్ ఆప్షన్లు మీకు లభిస్తుండగా, అందులో నుంచి టాప్-3 ప్యాకేజీలలో మీకు లభించే యాక్సెసరీస్ ని మీకు వివరించబోతున్నాము, కొత్త కారుకు మరింత అందాన్ని చేకూర్చేలా ఎన్నో రకాల అంశాలతో ఈ ప్యాకేజీలు ఉన్నాయి.
1.వర్సటైల్ ప్యాక్
ఇందులో అందించబడిన కొత్త వర్సటైల్ ప్యాక్ ధర రూ.24,672 ఉండగా, ఇది ఎస్‍యూవీకి సంబంధించిన కళాత్మకమైన వివరాలను కలిగి ఉంది. కస్టమర్లు ఎవరైతే వారి ఎస్‍యూవీలో మెరుగైన సౌకర్యాన్ని పొందాలనుకుంటున్నారో మరియు కారును మరింత స్టైలింగ్ గా చూడాలనుకుంటున్నారో వారు ఈ ప్యాక్ ని సెలెక్ట్ చేసుకోవచ్చు. వీటిని వివిధ రకాలైన బాడీ స్టైలింగ్ యాక్సెసరీస్ అయిన ఫ్రంట్ మరియు రియర్ బంపర్ గార్నిష్, హుడ్ స్కూప్, ఓఆర్‍విఎం గార్నిష్, విండో బీడింగ్ క్రోమ్, స్పోర్టీ పెడల్ కవర్లు, ఫింగర్ గార్డ్, మరియు రియర్ ఏరో దిఫ్యూజర్ వంటి వాటితో జతచేసి పొందవచ్చని డీలర్లు పేర్కొన్నారు.
2.అర్బానస్ ప్యాక్
ఇంకా అర్బానస్ ప్యాక్ విషయానికి వస్తే, దీని ధర రూ.16,114 ఉండగా, ఇది కారుకు ఎంతో అందాన్ని మరియు బెస్ట్ లుక్ ని అందిస్తుంది. ఈ ప్యాక్ ద్వారా కస్టమర్లకు ప్రొటెక్టివ్ యాక్సెసరీస్ అయిన డోర్ ఎడ్జ్ గార్డ్, సైడ్ స్టెప్, బాడీ సైడ్ మోల్డింగ్, డోర్ వైజర్, రియర్ సిల్ గార్డ్, మరియు వివిధ రకాలైన సన్ షేడ్స్ వంటివి లభిస్తాయని డీలర్లు తెలిపారు.
3.వెంటూరస్ ప్యాక్
ఈ ప్యాక్ ధర రూ.18,262 ఉండగా, వెంటూరస్ ప్యాక్ లో మీ కారుకు కావాల్సిన, అతి ముఖ్యమైన యాక్సెసరీస్ లభిస్తాయి. ఈ కలెక్షన్ ద్వారా మీరు ప్రీమియం బాడీ కవర్, మడ్ ఫ్లాప్స్, సీట్ కవర్స్, త్రీడీ క్యాబిన్ మ్యాట్స్ (6-సీటర్/7-సీటర్), స్క్రీన్ ప్రొటెక్టర్ (ఇంటిగ్రేటెడ్), మొబైల్ ఫాస్ట్ చార్జర్, మరియు బూట్ ఆర్గనైజర్ వంటి వాటిని పొందుతారు.
అనువాదించిన వారు: సంజయ్ కుమార్
