కేవలం 3.5 సెకన్లలో 100 కిలోమీటర్ల వేగాన్ని అందుకునే లగ్జరీ కారు M4 కాంపీటీషన్ ని ఇండియాలో లాంచ్ చేసిన బిఎండబ్లూ

ఇన్-లైన్-6-సిలిండర్ ఇంజిన్ తో వచ్చిన కొత్త మోడల్

530bhp మరియు 650Nm టార్కును ఉత్పత్తి చేస్తున్న M4 కాంపీటీషన్

బిఎండబ్లూ ఇండియా తాజాగా దాని మోస్ట్ పవర్ పుల్ మోడల్స్ లో ఒకటైన M4 కాంపీటీషన్ ని లాంచ్ చేసింది. బిఎండబ్లూ ఎక్స్‌డ్రైవ్ ఆల్-వీల్ డ్రైవ్ సిస్టం మరియు ఇప్పుడు ఫేమస్ గా మారిన S58 6-సిలిండర్ టర్బో ఇంజిన్ తో ఈ కొత్త హై-పెర్ఫార్మెన్స్ కూపే లాంచ్ అయింది. 

M4 కాంపీటీషన్ సిబియు మోడల్ గా దేశవ్యాప్తంగా అందుబాటులోకి రానుంది. కారులో ముఖ్యమైన ఇంజిన్ విషయానికి వస్తే, బిఎండబ్లూ టర్బోఛార్జ్డ్ S58 6-సిలిండర్ ఇన్-లైన్ పెట్రోల్ ఇంజిన్ తో వచ్చింది. ఈ అధిక శక్తిని కలిగి ఉన్న 3.0-లీటర్ పవర్ ప్లాంట్ ఎక్స్‌డ్రైవ్ గా పిలువబడుతున్న బిఎండబ్లూ యొక్క ఆల్-వీల్ డ్రైవ్ తో జతచేయబడింది. ఈ ఇంజిన్ కేవలం 3.5 సెకన్లలో 0-100కెఎంపిహెచ్ వేగాన్ని అందుకోవడంతో పాటుగా 530bhp పవర్ మరియు 650Nm టార్కును ఉత్పత్తి చేస్తుంది. కారు యొక్క 4 వీల్స్ ద్వారా 8-స్పీడ్ ఆటోమేటిక్ గేర్ బాక్సుకు పవర్ సప్లై చేయబడుతుంది. 

ఇందులో ఆటోమేటిక్ మరియు మాన్యువల్ మోడ్ లలో మూడు రకాల సెటప్స్ ఉన్నాయి. అవి ఏంటి అంటే, కంఫర్ట్-ఓరియంటెడ్, స్పోర్ట్స్-ఫోకస్డ్, మరియు ట్రాక్-ఆప్టిమైజ్డ్. సెంటర్ కన్సోల్ పై ఉండే సెటప్ బటన్ ద్వారా ఇంజిన్, ఛాసిస్, స్టీరింగ్ మరియు బ్రేకింగ్ సిస్టం, ప్లస్ ట్రాక్షన్ కంట్రోల్ వంటి సెట్టింగ్ ఆప్షన్లను డైరెక్టుగా యాక్సెస్ చేయవచ్చు. ఎఫిషియంట్, స్పోర్ట్ మరియు స్పోర్ట్ ప్లస్ సెట్టింగ్స్ ని పొందేలా ఇంజిన్ స్వభావాన్ని మార్చవచ్చు. అదే విధంగా ఎలక్ట్రానికల్లీ కంట్రోల్డ్ డ్యాంపర్లను ఉపయోగించి కంఫర్ట్, స్పోర్ట్, లేదా స్పోర్ట్ ప్లస్ ఛాసిస్ మోడ్ ల మూడు సెట్టింగ్స్ కి యాక్సెస్ అందిస్తుంది. 

2024 M4 కాంపీటీషన్ ధర రూ.1.53 కోట్లు (ఎక్స్-షోరూం) ఉండగా, ధర పరంగా దీనికి సమాన పోటీగా పోర్షే కేమాన్ మరియు 911 వంటి బేస్ వెర్షన్ కార్లు ఉన్నాయి. 

అనువాదించిన వారు: సంజయ్ కుమార్