- 1.5 லிட்டர் பெட்ரோல் இன்ஜின் மூலம் இயக்கப்படும்
- இது டாப்-ஸ்பெக் வேரியண்ட்டின் அடிப்படையில் இருக்கும்
ஃபோக்ஸ்வேகன் இந்தியா, டைகுன் எஸ்யுவியின் புதிய ஜிடீ எட்ஜ் ட்ரைல் எடிஷனை ரூ. 16.30 லட்சம் (எக்ஸ்-ஷோரூம்) ஆரம்ப விலையில் அறிமுகப்படுத்தியுள்ளது. டைகுனின் இந்த புதிய ஸ்பெஷல் எடிஷனின் டெலிவரி டிசம்பர் 2023 இல் தொடங்கப்படும்.
புதிய ஜிடீ எட்ஜ் ட்ரைல் எடிஷனில், ரூஃப் ரெயில்ஸ், பாடி டிகேல்ஸ், பேனல் கிராஃபிக்ஸ் மற்றும் பிளாக்-அவுட் 17-இன்ச் அலோய் வீல்ஸுடன் முரட்டுத்தனமான தோற்றத்தைப் பெறுகிறது. வண்ண விருப்பத்தைப் பொறுத்தவரை, ட்ரைல் எடிஷன் கார்பன் ஸ்டீல் கிரே மேட் மற்றும் டீப் பிளாக் பேர்ல் வண்ணத்தில் வழங்கப்படுகிறது.
இன்டீரியரில், புதிய எடிஷனில் ரெட் நிற தையல் கொண்ட பிளாக் சீட் அப்ஹோல்ஸ்டரி இடம்பெற்றுள்ளது. மேலும், சீட்ஸின் பின்புறத்தில் ட்ரைல் பேட்ஜிங் பொறிக்கப்பட்டுள்ளது, ரெட் ஆம்பியண்ட் லைட்ஸ் மற்றும் அலுமினியம் பெடல்ஸ் இடம்பெற்றுள்ளன. அம்சங்களைப் பொறுத்தவரை, இது 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார்ப்ளே கனெக்டிவிட்டி, ஆட்டோமேட்டிக் க்ளைமேட் கன்ட்ரோல், டிஜிட்டல் இன்ஸ்ட்ரூமென்ட் க்ளஸ்டர், வென்டிலேடெட் மற்றும் பவர்ட் ஃப்ரண்ட் சீட் மற்றும் எலக்ட்ரிக் சன்ரூஃப் ஆகியவற்றுடன் வருகிறது.
டைகுன் ஜிடீ எட்ஜ் ட்ரைல் எடிஷன் 1.5 லிட்டர் பெட்ரோல் இன்ஜின் மூலம் இயக்கப்படுகிறது. இந்த மோட்டார் BS6 ஃபேஸ் 2-இணக்கமானது மற்றும் 148bhp மற்றும் 250Nm டோர்க்கை உற்பத்தி செய்ய டியூன் செய்யப்பட்டுள்ளது. டிரான்ஸ்மிஷனில் இது சிக்ஸ் ஸ்பீட் மேனுவல் மற்றும் செவன் ஸ்பீட் டூயல் கிளட்ச் ஆட்டோமேட்டிக் யூனிட்டை பெறுகிறது.
மொழிபெயர்த்தவர்: ஐசக் தீபன்
