சிட்ரோன் நிறுவனம் புதிய இன்ஜினுடன் C3 ஏர்கிராஸை ரூ. 8.49 லட்சத்தில் அறிமுகம் செய்தது

• அக்டோபர் 8 முதல் டெலிவரி தொடங்கும்
• புதிய 1.2 லிட்டர் என்‌ஏ பெட்ரோல் இன்ஜினில் கிடைக்கும்

சிட்ரோன் இந்தியா தனது பிரபலமான எஸ்யுவியான C3 ஏர்கிராஸின் புதிய வெர்ஷன்னை ரூ. 8.49 லட்சம் (எக்ஸ்-ஷோரூம்) தொடக்க விலையில் அறிமுகப்படுத்தியுள்ளது. இந்திய வாடிக்கையாளர்களின் தேவையை கருத்தில் கொண்டு வடிவமைக்கப்பட்டுள்ள இந்த புதிய மாடலில் புதிய அம்சங்கள் மற்றும் புதிய டிசைனுடன் அறிமுகப்படுத்தப்பட்டுள்ளது. முன்பதிவுகள் இன்று தொடங்கப்பட்டு, அக்டோபர் 8, 2024 முதல் டெலிவரி செய்யப்படும்.

அம்சங்களில் சிறந்தது

புதிய ஏர்கிராஸ் எஸ்யுவி இப்போது எல்இடி புரொஜெக்டர் ஹெட்லேம்ப்ஸ், ஆட்டோமேட்டிக் ஏர் கண்டிஷனிங் மற்றும் க்ளைமேட் கன்ட்ரோல் போன்ற அம்சங்களுடன் வருகிறது. பவர் விண்டோ ஸ்விட்சுகள், ஃப்ரண்ட் பாசஞ்சர் சைடில் கிராப் ஹேண்டில்ஸ், பவர்-ஃபோல்டிங் ஓஆர்விஎம்ஸ் மற்றும் ரியர் ஏசி வென்ட்ஸ் உள்ளிட்ட அம்சங்கள் இதில் உள்ளன.

பாதுகாப்பு அம்சங்கள்

பாதுகாப்பைப் பொறுத்தவரை, எஸ்யுவியில் ஆறு ஏர்பேக்குகள், இஎஸ்பி, ஹில்-ஹோல்ட் அசிஸ்ட், டிபிஎம்எஸ் மற்றும் ஐசோஃபிக்ஸ் சைல்ட் சீட் மேலும் 40க்கும் மேலான பாதுகாப்பு அம்சங்கள் வழங்கப்பட்டுள்ளன.

இன்ஜின் விருப்பங்கள்

ஏர்கிராஸ் இப்போது 1.2 லிட்டர் என்‌ஏ பெட்ரோல் மற்றும் 1.2 லிட்டர் டர்போ-பெட்ரோல் இன்ஜின் விருப்பங்களைக் கொண்டுள்ளது. வாடிக்கையாளர்கள் இதை ஃபைவ்-ஸ்பீட் மேனுவல், சிக்ஸ்-ஸ்பீட் மேனுவல் மற்றும் சிக்ஸ்-ஸ்பீட் ஆட்டோமேட்டிக் கியர்பாக்ஸ் விருப்பங்களில் இருந்து தேர்வு செய்யலாம்.

விலை

வரியண்ட் வாரியான எக்ஸ்-ஷோரூம் விலைகள் கீழே உள்ளன

1.2 என்‌ஏ யு - ரூ 8.49 லட்சம்

1.2 என்ஏ ப்ளஸ் - ரூ 9.99 லட்சம்

1.2 டர்போ ப்ளஸ் - ரூ 11.95 லட்சம்

1.2 டர்போ ஏடீ ப்ளஸ் - ரூ 13.25 லட்சம்

1.2 டர்போ மேக்ஸ் - ரூ 12.70 லட்சம்

1.2 டர்போ ஏடீ மேக்ஸ் - ரூ 13.99 லட்சம்

கூடுதலாக, 5+2 சீட் விருப்பம் வெறும் ரூ. 35,000 கூடுதல் செலவில் கிடைக்கிறது.

சிட்ரோன் ஏர்கிராஸ் இப்போது நாடு முழுவதும் உள்ள சிட்ரோன் ஷோரூம்களிலும் அதிகாரப்பூர்வ சிட்ரோயன் இணையதளத்திலும் முன்பதிவு செய்யக் கிடைக்கிறது.