- மூன்று வேரியன்ட்ஸ் மற்றும் இரண்டு பேட்டரி பேக்கில் வழங்கப்படும்
- புதிய காஸ்மோஸ்பிளாக் வண்ணத்தில் கிடைக்கும்
பிஒய்டி இந்தியா ஆனது அட்டோ 3 இன் புதுப்பிக்கப்பட்ட வெர்ஷன்னை ரூ. 24.99 லட்சம் (எக்ஸ்-ஷோரூம்) விலையில் லான்ச் செய்தது. அட்டோ 3 இப்போது கூடுதல் அம்சங்கள் மற்றும் புதிய எக்ஸ்டீரியர் வண்ண விருப்பங்களுடன் வருகிறது. வாடிக்கையாளர்கள் ரூ. 50,000 டோக்கன் தொகையை செலுத்தி இந்த மாடலை முன்பதிவு செய்யலாம். டெலிவரிகள் வரும் வாரங்களில் தொடங்கும் என எதிர்பார்க்கப்படுகிறது.
புதிய அப்டேட்டுடன், பிஒய்டி அட்டோ 3 ஆனது, டைனமிக், ப்ரீமியம் மற்றும் சுப்பீரியர் என மூன்று வேரியன்ட்ஸில் வழங்கப்படுகின்றன. என்ட்ரி-லெவல் டைனமிக் வேரியன்ட் 49.92kWh பேட்டரி பேக்கைப் பெறுகிறது, மற்ற இரண்டு வேரியன்ட்ஸும் பெரிய 60.48kWh பேட்டரி பேக் யூனிட்டைப் பெறுகின்றன. டிரைவிங் ரேஞ்சை பொறுத்தவரை, சிறிய பேட்டரி பேக் ஒருமுறை சார்ஜ் செய்தால் 468 கிமீ வரை டிரைவிங் ரேஞ்சை வழங்குவதாகக் கூறப்படுகிறது. மறுபுறம், பெரிய பேட்டரி பேக் ஒருமுறை சார்ஜ் செய்தால் 521 கிமீ வரை செல்லும் (ஏஆர்ஏஐ-சான்றளிக்கப்பட்டது). சார்ஜிங் வேகத்தைப் பொறுத்தவரை, அட்டோ 3 இன் பேட்டரி பேக், ஃபாஸ்ட் சார்ஜரைப் பயன்படுத்தி 0-80 சதவீதத்தை வெறும் 50 நிமிடங்களில் சார்ஜ் செய்ய முடியும்.
புதிய வேரியன்ட்ஸைத் தவிர, பிஒய்டி அட்டோ 3 இப்போது ‘காஸ்மோஸ் பிளாக்’ எனப்படும் புதிய வண்ண விருப்பத்திலிருந்தும் பயனடைகிறது. இதனுடன், அட்டோ 3 ஸ்கீ ஒயிட், போல்டர் கிரே மற்றும் சர்ஃப் ப்ளூ உள்ளிட்ட மூன்று வண்ணங்களுடன் வழங்கப்படுகிறது. ஆட்டோ 3 ஆனது 12.8-இன்ச் ரோட்டெடிங் டச்ஸ்கிரீன் இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் பேனல், வயர்லெஸ் சார்ஜர், 360-டிகிரி சரவுண்ட் கேமரா, எலக்ட்ரிக் டெயில்கேட், லெவல் 2 ஏடாஸ் சூட், வென்டிலேடெட் மற்றும் பவர்ட் ஃப்ரண்ட் சீட்மற்றும் ஒரு பனோரமிக் சன்ரூஃப் போன்ற அம்சங்கள் வழங்கப்படுகின்றன.
அறிமுகம் குறித்து, பிஒய்டி இந்தியாவின் எலக்ட்ரிக் பஸ்சேன்ஜ்ர் வெஹிகல் (EPV) வணிகத் தலைவர் ராஜீவ் சௌஹான் கருத்துத் தெரிவிக்கையில், “பிஒய்டி அட்டோ 3 - டைனமிக், ப்ரீமியம் மற்றும் சுப்பீரியர் ஆகிய மூன்று வேரியன்ட்ஸில் இந்த வரிசையை வெளியிடுவது எங்களுக்கு ஒரு குறிப்பிடத்தக்க மைல்கல் ஆகும். இந்தியாவின் எலக்ட்ரிக் வெஹிகலின் நிலப்பரப்பில் முக்கிய தருணமாகும். காஸ்மோஸ் பிளாக் எடிஷனையும் நாங்கள் அறிமுகப்படுத்தியுள்ளோம், எங்களின் புதிய வரிசைக்கு ஸ்டைல் மற்றும் வண்ணத்தை சேர்த்துள்ளோம். எங்கள் பன்முகப்படுத்தப்பட்ட சலுகைகள் எங்கள் தயாரிப்பு போர்ட்ஃபோலியோவை விரிவுபடுத்துவது மட்டுமல்லாமல், மேலும் உள்ளடக்கிய இவி’யின் எதிர்காலத்திற்கும் வழி வகுக்கும். இந்த புதிய வேரியன்ட்ஸ்ஸை அறிமுகப்படுத்தியதன் மூலம், இந்த பார்வையை உணர நாங்கள் ஒரு படி நெருக்கமாக இருக்கிறோம்' என்று அவர் கூறினார்.
மொழிபெயர்த்தவர்: ஐசக் தீபன்
