- அக்டோபர் 31 வரை கிடைக்கும்
- மைல்ட் மற்றும் ஸ்ட்ராங்க் ஹைப்ரிட் மாடல்களில் கிடைக்கிறது
டொயோட்டா இந்தியாவில் அர்பன் க்ரூஸர் ஹைரைடரின் 'ஃபெஸ்டிவல் லிமிடெட் எடிஷன்' அறிமுகப்படுத்தியுள்ளது, இது அக்டோபர் 31 வரை கிடைக்கும். இந்த எடிஷனில் டொயோட்டா ஜென்யுன் ஆக்சஸரீஸ் (TGA) பேக்கேஜ் உள்ளது, இது 13 ஸ்பெஷல் ஆக்சஸரீஸை வழங்குகிறது. இந்த ஆக்சஸரீஸ் காரின் தோற்றத்தையும் அம்சங்களையும் மேலும் மேம்படுத்தி, பண்டிகைக் காலத்தில் வாடிக்கையாளர்களுக்கு சிறந்த அனுபவத்தை அளிக்கிறது.
எக்ஸ்டீரியரில், குரோம் மற்றும் அலங்கார ஆக்சஸரீஸ், மட்ஃப்ளாப்ஸ், எஸ்எஸ் செருகலுடன் கூடிய டோர் வைசர், ஃப்ரண்ட் மற்றும் ரியர் பம்பர் கார்னிஷ், ஹெட்லைட் கார்னிஷ், ஹூட் எம்பளம், பாடி கிளாட்டிங், ஃபெண்டர் கார்னிஷ், ரியர் டோர் லிட் கார்னிஷ் மற்றும் குரோம் டோர் ஹேண்டல்ஸ் ஆகியவை அடங்கும். அதேசமயம் இன்டீரியரில் 3D ஃப்ளோர் மேட்ஸ், லெக் ரூம் லேம்ப் மற்றும் டிஜிட்டல் வீடியோ ரெக்கார்டர் ஆகியவை அடங்கும். இந்த பேக்கேஜ் நியோ டிரைவ் V மற்றும் G ஹைப்ரிட் வேரியன்ட்ஸில் கிடைக்கிறது, இது வாடிக்கையாளர்களுக்கு அதிக விருப்பத்தை அளிக்கிறது.
அறிமுகம் குறித்து கருத்து தெரிவித்த டொயோட்டா கிர்லோஸ்கர் மோட்டரின் விற்பனை-சேவை-பயன்படுத்தப்பட்ட கார் வர்த்தகத்தின் துணைத் தலைவர் சப்ரி மனோகர், 2022 ஆம் ஆண்டில் அறிமுகப்படுத்தப்பட்டதிலிருந்து, அர்பன் குரூஸர் ஹைரைடர் ஒரு நல்ல அடையாளமாக மாறியுள்ளது மற்றும் வாடிக்கையாளர்களிடையே பெரும் தேவையை இது உருவாக்கி உள்ளது. நேர்மறையான வாடிக்கையாளர் கருத்து மற்றும் அதிகரித்து வரும் தேவை காரணமாக, டொயோட்டா அதன் தயாரிப்புகள் மற்றும் சேவைகளை மேம்படுத்துவதில் தொடர்ந்து கவனம் செலுத்துகிறது. இந்த ஸ்பெஷல் எடிஷன், டொயோட்டா ரூ. 50,817 மதிப்பிலான ஆக்சஸரீஸ் பேக்கேஜை வழங்குகிறது, இது வாடிக்கையாளர்களை மேலும் கவரும்.
மொழிபெயர்த்தவர்: ஐசக் தீபன்
