டாடா மோட்டார்ஸ் விரைவில் தனது புதிய எலக்ட்ரிக் எஸ்யுவி டாடா ஹேரியர் இவி’யை அறிமுகப்படுத்த உள்ளது. இந்த நிதியாண்டில் இந்த எலக்ட்ரிக் கார் இந்தியாவுக்கு வரும் என எதிர்பார்க்கப்படுகிறது. இந்தக் கட்டுரையில், டாடா ஹேரியர் இவி’யிலிருந்து என்ன எதிர்பார்க்கலாம் என்று பார்ப்போம்.
எக்ஸ்டீரியர் டிசைன்
டாடா ஹேரியர் இவி’யின் டிசைன் ஏற்கனவே இருக்கும் ஹேரியரைப் போலவே இருக்கும், ஆனால் அதில் சில குறிப்பிடத்தக்க மாற்றங்கள் இருக்கும். ஃப்ரண்ட்டில், இது ஒரு பிளாங்க்-ஆஃப் கிரில், ஹோரிசொன்டள் ஸ்லேட்ஸ், முழு அகல எல்இடி டிஆர்எல்’ஸ் மற்றும் ஏடாஸ் சென்சார் கொண்டிருக்கும் புதிய பம்பர் ஆகியவற்றைக் கொண்டிருக்கும்.
சைட் ப்ரோஃபைலும் கிட்டத்தட்ட ஒரே மாதிரியாக இருக்கும், ஆனால் இது ஏரோ-டிசைன் கொண்ட டூயல்-டோன் அலோய் வீல்ஸைப் பெறும். ரியரில், எக்ஸாஸ்ட் பைப் இல்லாதது தவிர, மற்ற அனைத்தும் ஐசிஇ ஹேரியரைப் போலவே இருக்கும். புதிய வண்ண விருப்பங்களில் சீவீட் க்ரீன் வண்ணம் இருக்கலாம்.
இன்டீரியர் மற்றும் அம்சங்கள்
டாடா ஹேரியர் இவி’யின் இன்டீரியர் சமீபத்தில் அறிமுகப்படுத்தப்பட்ட டாடா மாடல்களைப் போலவே இருக்கும். இது ஒரு பெரிய 12.3-இன்ச் டச்ஸ்கிரீன் இன்ஃபோடெயின்மென்ட் சிஸ்டம் மற்றும் ஆண்ட்ராய்டு ஆட்டோ மற்றும் ஆப்பிள் கார்ப்ளேவை கொண்டிருக்கும். ஜெபிஎல் இன் 10-ஸ்பீக்கர் அமைப்பு, ஃபுல்லி-டிஜிட்டல் இன்ஸ்ட்ரூமென்ட் பேனல், டச் அடிப்படையிலான எச்விஏசி பேனல், வென்டிலேடெட் பவர்ட் ஃப்ரண்ட் சீட்ஸ் மற்றும் பனோரமிக் சன்ரூஃப் ஆகியவையும் சேர்க்கப்படும்.
இது தவிர, இது டூயல் ஜோன் க்ளைமேட் கன்ட்ரோல், ஆட்டோ-டிம்மிங் ஐஆர்விஎம், எலக்ட்ரிகள்ளி சரிசெய்யக்கூடிய மற்றும் மடிக்கக்கூடிய ஓஆர்விஎம்’ஸ், ஸ்டீயரிங்கில் பொருத்தப்பட்ட கன்ட்ரோல்ஸ், வயர்லெஸ் சார்ஜர், ஆம்பியன்ட் லைட்டிங், ரியர் ஏசி வென்ட்ஸ் மற்றும் ஆறு ஏர்பேக்குகள் ஆகியவற்றைக் கொண்டிருக்கும்.
பவர் மற்றும் ரேஞ்ச்
டாடா ஹேரியர் இவி ஒரு பெரிய பேட்டரி பேக்கைக் கொண்டிருக்கும், இதன் காரணமாக இது ஒருமுறை சார்ஜ் செய்தால் சுமார் 500 கிமீ வரை இயங்கும். ஏடபிள்யூடி (ஆல்-வீல் டிரைவ்) அமைப்பைக் கொண்ட டாடாவின் முதல் இவி இதுவாகும்.
விலை மற்றும் போட்டியாளர்
டாடா ஹேரியர் இவி’யின் விலை தற்போதைய பெட்ரோல் மற்றும் டீசல் மாடல்களை விட அதிகமாக இருக்கலாம். இதன் விலை சுமார் ரூ. 25 லட்சம் முதல் ரூ. 35 லட்சம் (எக்ஸ்-ஷோரூம்) வரை இருக்கலாம். இது மஹிந்திரா XUV.e9 மற்றும் XUV.e8, ஹூண்டாய் க்ரெட்டா இவி, பிஒய்டி அட்டோ 3 மற்றும் எம்ஜி ZS இவி ஆகியவற்றுடன் போட்டியிடும்.
மொழிபெயர்த்தவர்: ஐசக் தீபன்
