- எட்டு வேரியன்ட்ஸில் கிடைக்கும்
- இது மூன்று இன்ஜின் விருப்பங்களை கொண்டுள்ளது
டாடா மோட்டார்ஸ் சமீபத்தில் தனது புதிய கூபே எஸ்யுவியான டாடா கர்வ் ஐ வெளியிட்டது. இந்த எஸ்யுவிகான முன்பதிவு தற்போது இந்தியா முழுவதும் தொடங்கியுள்ளது. இதன் ஆரம்ப விலை ரூ. 10 லட்சமாக (எக்ஸ்-ஷோரூம்) வைக்கப்பட்டுள்ளது. ஆனால் இந்த விலை அக்டோபர் 31, 2024 வரையிலான முன்பதிவுகளுக்கு மட்டுமே செல்லுபடியாகும், எனவே நீங்கள் இந்த எஸ்யுவியை வாங்க விரும்பினால், சீக்கிரம்! ஏற்கனவே முன்பதிவு செய்த வாடிக்கையாளர்கள் தற்போது டெலிவரி பெறத் தொடங்கியுள்ளனர்.
டாடா கர்வ் ஸ்மார்ட், ப்யூர்+, ப்யூர்+ S, கிரியேட்டிவ், கிரியேட்டிவ் S, கிரியேட்டிவ்+ S, அகாம்ப்லிஷ்ட் S மற்றும் அகாம்ப்லிஷ்ட்+ A உள்ளிட்ட எட்டு வெவ்வேறு வேரியன்ட்ஸில் கிடைக்கிறது. கூடுதலாக, இந்த கூபே எஸ்யுவி கோல்ட் எசன்ஸ், ப்ரிஸ்டைன் ஒயிட், ப்யூர் கிரே, ஃபிளேம் ரெட், டேடோனா கிரே மற்றும் ஓபரா ப்ளூ போன்ற ஆறு வண்ண விருப்பங்களில் கிடைக்கும்.
டாடா கர்வின் டாப் மாடல் பல பிரீமியம் அம்சங்களுடன் வழங்கப்பட்டுள்ளது. மூட் லைட்டிங் கொண்ட பெரிய பனோரமிக் சன்ரூஃப், வயர்லெஸ் ஸ்மார்ட்போன் மிரரிங் கொண்ட 12.3 இன்ச் இன்ஃபோடெயின்மென்ட் ஸ்கிரீன், டிஜிட்டல் இன்ஸ்ட்ரூமென்ட் பேனல், வென்டிலேடெட் ஃப்ரண்ட் சீட்ஸ், பவர்ட் டிரைவர் சீட், ரியர் சீட்க்கான ரிக்லைன் ஃபங்ஷன் மற்றும் வயர்லெஸ் சார்ஜர் போன்ற அம்சங்கள் வழங்கப்பட்டுள்ளன. இதனுடன், பவர்ட் டெயில்கேட், ஃப்ளஷ்-ஃபிட்டிங்க் டோர் ஹேண்டல்ஸ், 360 டிகிரி சரவுண்ட் கேமரா, ப்ளைண்ட் ஸ்பாட் மானிட்டர் மற்றும் லெவல் 2 ஏடாஸ் போன்ற ஹை-டெக் அம்சங்களும் இதில் சேர்க்கப்பட்டுள்ளன.
கர்வ் மூன்று சக்திவாய்ந்த இன்ஜின் விருப்பங்களுடன் அறிமுகப்படுத்தப்பட்டுள்ளது. இதில் முதல் 1.2 லிட்டர் பெட்ரோல், இரண்டாவது 1.5 லிட்டர் ஹைபரியன் டர்போ பெட்ரோல் மற்றும் மூன்றாவது 1.5 லிட்டர் கிரையோஜெட் டீசல் இன்ஜின் ஆகியவை அடங்கும். அனைத்து இன்ஜின்களும் சிக்ஸ்-ஸ்பீட் மேனுவல் மற்றும் செவன்-ஸ்பீட் டிசிடீ கியர்பாக்ஸ் ஆப்ஷனுடன் வருகின்றன, இது சிறந்த பர்ஃபார்மன்ஸ் மற்றும் நல்ல டிரைவிங் அனுபவத்தை அளிக்கிறது.
டாடா கர்வ் அதன் ஸ்டைலான டிசைன், மேம்பட்ட அம்சங்கள் மற்றும் சக்திவாய்ந்த இன்ஜின் விருப்பங்களுடன் எஸ்யுவி செக்மெண்ட்டில் ஒரு சிறந்த தேர்வாக உள்ளது.
மொழிபெயர்த்தவர்: ஐசக் தீபன்
