- இரண்டு இன்ஜின் விருப்பங்களுடன் வழங்கப்படுகிறது
- ஸ்போர்ட்ஸ் எடிஷனுடன் லான்ச் ஆனது
ஸ்கோடா இந்தியா ஸ்லாவியாவின் வரிசையை புதுப்பித்துள்ளது, மான்டே கார்லோ மற்றும் ஸ்போர்ட்லைன் வெர்ஷன் என இரண்டு புதிய வெர்ஷனை அறிமுகம் செய்தது. முந்தையது ரூ. 15.79 ஆரம்ப எக்ஸ்ஷோரூம் விலையிலும் ஸ்போர்ட்லைன் ரூ. 14.05 லட்சத்தில் கிடைக்கிறது. இந்த புதிய வெர்ஷனில், ஸ்லாவியா செடான் குஷாக்கிற்கு ஏற்ப அழகுசாதன மேம்பாடுகள் மூலம் பயனடைகிறது.
எக்ஸ்டீரியரில், புதிய ஸ்லாவியா மான்டே கார்லோ பிளாக்-அவுட் கிரில், ஓஆர்விஎம், ரூஃப், விண்டோ கார்னிஷ், ஃபாக் லைட் கார்னிஷ் மற்றும் டெயில்கேட்டில் எழுத்துக்கள் போன்ற விவரங்களை பெறுகிறது. பிற தனித்துவமான வடிவமைப்பு ஃபெண்டரில் மான்டே கார்லோ பேட்ஜ், டார்க்ட் எல்இடி டெயில்லேம்ப்ஸ், பிளாக் ஸ்போர்ட்டி டிஃப்பியூசர், ஃப்ரண்ட் மற்றும் ரியர் ஸ்கர்ட்டிங்க்ஸ், கருப்பு நிறத்தில் முடிக்கப்பட்ட 16-இன்ச் அலோய் வீல்ஸ் மற்றும் டோர் ஹேண்டல்ஸில் டார்க் குரோம் அக்ஸ்ன்ட்ஸ் ஆகியவை இதன் சிறப்பம்சங்களாகும்.
இன்டீரியரில், ஸ்லாவியா மான்டே கார்லோ டாஷ்போர்டு, சென்டர் கன்சோல் மற்றும் சீட் அப்ஹோல்ஸ்டரி ஆகியவற்றில் சிவப்பு உச்சரிப்புகளுடன் அல்-பிளாக் தீமில் மூடப்பட்டிருக்கும். 10-இன்ச் இன்ஃபோடெயின்மென்ட் ஸ்கிரீன், எட்டு ஸ்பீக்கர்ஸ், டிஜிட்டல் இன்ஸ்ட்ரூமென்ட் பேனல், அலுமினியம் பெடல்ஸ், மான்டே கார்லோ பொருத்தப்பட்ட ஃப்ரண்ட் ஸ்கஃப் பிளேட்ஸ், பவர்ட் மற்றும் வென்டிலேடெட் ஃப்ரண்ட் சீட்ஸ் மற்றும் டார்க் டோர் ட்ரிம்ஸ் ஆகியவை மற்ற இன்டீரியரின் சிறப்பம்சங்கள் ஆகும்.
இயந்திர ரீதியாக, ஸ்கோடா ஸ்லாவியா மான்டே கார்லோவை 1.0 லிட்டர் டீஎஸ்ஐ பெட்ரோல் மற்றும் 1.5 லிட்டர் டீஎஸ்ஐ பெட்ரோல் இன்ஜினுடன் கிடைக்கும். முந்தையது சிக்ஸ்-ஸ்பீட் மேனுவல் மற்றும் சிக்ஸ்-ஸ்பீட் டோர்க் கன்வர்டர் யூனிட்டைப் பெறுகிறது, பிந்தையது செவன்-ஸ்பீட் டிசிடீ கியர்பாக்ஸுடன் மட்டுமே இணைக்கப்பட்டுள்ளது.
ஸ்கோடா ஸ்லாவியாவின் மான்டே கார்லோ மற்றும் ஸ்போர்ட்லைன் வெர்ஷனின் விலைகள் பின்வருபவை:
| ஸ்கோடா ஸ்லாவியா மான்டே கார்லோ | ரூ. 15.79 லட்சம் முதல் ரூ. 18.49 லட்சம் வரை |
| ஸ்கோடா ஸ்லாவியா ஸ்போர்ட்லைன் | ரூ. 14.05 லட்சம் முதல் ரூ. 16.75 லட்சம் வரை |
மொழிபெயர்த்தவர்: ஐசக் தீபன்
