- அனைத்து மாடல்களும் பிளாக் மற்றும் ஒயிட் தீம் கொண்டவை
- வெறும் 1,600 யூனிட்கள் மட்டுமே ஒதுக்கப்படும்
ரெனோ நிறுவனம் தற்போது விற்பனை செய்யப்படும் க்விட், கைகர் மற்றும் ட்ரைபர் மாடல்களில் புதிய நைட் அண்ட் டே எடிஷன்னை அறிமுகப்படுத்தியுள்ளது. இதில் வெறும் 1600 யூனிட்கள் மட்டுமே வழங்கப்படும். இந்த ஸ்பெஷல் எடிஷனில் டூயல்-டோன் எக்ஸ்டீரியர் மற்றும் புதிய அம்சங்களைக் கொண்டுள்ளன.
தற்போது ரெனோ க்விட்டில் வழங்கப்படும் RXL (O) மேனுவல் வெர்ஷனின் அடிப்படையில், புதிய நைட் அண்ட் டே ஸ்பெஷல் எடிஷனை ரூ. 4.99 லட்சம் எக்ஸ்ஷோரூம் விலையில் விற்பனை செய்யப்படுகிறது. மேலும், கைகர் நைட் & டே ஸ்பெஷல் எடிஷன் மேனுவல் வெர்ஷனின் விலை ரூ. 6.75 லட்சம், ஆட்டோமேட்டிக் வெர்ஷன் ரூ. 7.25 லட்சம் எக்ஸ்ஷோரூம் விலையில் உள்ளது. RXL வெர்ஷனின் அடிப்படையில், இந்த ஸ்பெஷல் எடிஷனின் விலையில் ரூ. 15 ஆயிரம் மட்டுமே அதிகம். மறுபுறம், ட்ரைபர் நைட் & டே எடிஷனும் RXL வெர்ஷனை அடிப்படையாகக் கொண்டது, ஆனால் இந்த ஸ்பெஷல் எடிஷனின் விலை ஸ்டாண்டர்ட் வேரியன்ட்டின் விலையான ரூ. 7 லட்சத்தை விட ரூ. 20 ஆயிரம் அதிகம்.
க்விட், கைகர் மற்றும் ட்ரைபர் கார்கள் டூயல் டோன் நிறத்தை வழங்க மிஸ்டரி பிளாக் ரூஃபுடன் பேர்ல் ஒயிட் உடல் நிறத்தில் பிரத்தியேகமாக கிடைக்கும். இந்த ஸ்பெஷல் எடிஷன் கார்களின் மற்ற காஸ்மெட்டிக் அப்டேட்டுகளுக்கு வரும்போது, பியானோ பிளாக் கிரில், வீல் கவர்ஸ், நம்பர் பிளேட்டுஸ் மற்றும் ஓஆர்விஎம்கள் ஆகியவை அடங்கும். கைகரில் உள்ள டெயில்கேட் அலங்காரமானது பியானோ பிளாக் நிறத்தை கொண்டுள்ளது. முக்கிய அம்சங்கள் மற்றும் விவரக்குறிப்புகள் அடிப்படையில், கைகர் மற்றும் ட்ரைபர் கார்களில் வயர்லெஸ் ஸ்மார்ட்போன் மிரரிங் மற்றும் ரியர் வியூ கேமராவுடன் கூடிய 9 இன்ச் டச் ஸ்கிரீன் இன்ஃபோடெயின்மென்ட் சிஸ்டம் போன்ற தனித்துவமான அம்சங்களைக் கொண்டுள்ளன. கூடுதலாக ட்ரைபர் நைட் & டே எடிஷன் காரில் ரியர் பவர் விண்டோ உள்ளன.
க்விட், கைகர் மற்றும் ட்ரைபர் நைட் & டே எடிஷன் கார்களுக்கான முன்பதிவுகள் நாடு முழுவதும் உள்ள அங்கீகரிக்கப்பட்ட ரெனோ டீலர்ஷிப்களில் நாளை செப்டம்பர் 17 ஆம் தேதி முதல் தொடங்கும். எனவே நீங்கள் ரெனோவின் அங்கீகரிக்கப்பட்ட டீலர்ஷிப்களில் முன்பதிவு செய்யலாம். இந்த நைட் அண்ட் டே ஸ்பெஷல் எடிஷனில் 1,600 யூனிட்கள் மட்டுமே வழங்கப்படுவதால் சீக்கிரம் இதை முன்பதிவு செய்யுங்கள்
மொழிபெயர்த்தவர்: ஐசக் தீபன்
