- ரெனோ வாடிக்கையாளர்களுக்கு ஸ்பெஷல் லோயல்டி போனஸ்
- கார்ப்பரேட் மற்றும் கிராமப்புற வசிக்கும் வாடிக்கையாளர்களுக்கு கூடுதல் நன்மைகள்
ரெனோ இந்தியா தனது முழு மாடல் வரம்பிலும் பண்டிகை சலுகைகளை வெளியிட்டுள்ளது. வாடிக்கையாளர்கள் பல நன்மைகள் மற்றும் சலுகைகள் வடிவில் இந்த தள்ளுபடிகளைப் பெறலாம், இவை அனைத்தையும் நாங்கள் கீழே விவரித்துள்ளோம்.
ரெனோ கைகர் சப்-ஃபோர் மீட்டர் எஸ்யுவி ஆனது ரூ. 65,000 வரை சலுகைகளை வழங்குகிறது. இதில் கேஷ் தள்ளுபடி ரூ. 25,000, எக்ஸ்சேஞ்ச் போனஸ் ரூ. 20,000 மற்றும் கூடுதல் லோயல்டி பலன்கள் அடங்கும். இதேபோல், க்விட் மற்றும் ட்ரைபர் ரூ. 50,000 வரை பலன்களுடன் பெறலாம். இதில் தலா ரூ. 20,000 வரை கேஷ் தள்ளுபடி உட்பட, மாற்றுப் பயன் ரூ. 20,000 மற்றும் கூடுதல் லோயல்டி போனஸை பெறலாம்.
மேலே குறிப்பிட்டுள்ள வழக்கமான நுகர்வோர் சலுகைகளைத் தவிர, ரெனோ தனது தற்போதைய வாடிக்கையாளர்களுக்கு ஒரு சிறப்பு லோயல்டி பேக்கேஜையும் அறிமுகப்படுத்தியுள்ளது, இதன் மூலம் மூன்றாம் ஆண்டு உத்தரவாதம், மூன்று ஆண்டு மேண்டெனன்ஸ் பேக்கேஜ் மற்றும் மூன்று வருட ரோடு சைட் அசிஸ்டன்ஸ் ஆகியவற்றை வழங்குகிறது. மேலும் சலுகைக்கு ரெனோ வாகனத்தை வாங்கினால் ரூ. 20,000 வரை கூடுதல் கேஷ் பலன் கிடைக்கும்.
மேலும், ரெனோ இந்தியா மற்றொரு ரேஞ்சில் சலுகைகளைக் கொண்டுள்ளது, இது தேர்ந்தெடுக்கப்பட்ட அளவுகோல்களின் அடிப்படையில் பொருந்தும். வாடிக்கையாளர்கள் ரூ. 12,000 வரை கூடுதல் கார்ப்பரேட் தள்ளுபடியைப் பெறலாம், அதே நேரத்தில் கிராமப்புற சலுகையில் விவசாயிகள், சர்பஞ்ச் மற்றும் கிராம பஞ்சாயத்து உறுப்பினர்களுக்கு ரூ. 5,000 வரை தள்ளுபடி வழங்கப்படுகிறது.மேலும், தற்போதுள்ள ரெனோ வாடிக்கையாளர்கள் ஃப்ரென்ச் பிராண்டிலிருந்து கார்ஸைப் பரிந்துரைக்கலாம், மேலும் வாங்கும் வாடிக்கையாளர் மற்றும் பரிந்துரைக்கப்பட்ட வாடிக்கையாளர் ஆகிய இருவரும் ரூ. 10,000 வரை பலன்களைப் பெறுவதற்கான வாய்ப்பைப் பெறலாம்.
நிகழ்ச்சியில் பேசிய ரெனோ இந்தியாவின் விற்பனை மற்றும் சந்தைப்படுத்தல் பிரிவின் துணைத் தலைவர் சுதிர் மல்ஹோத்ரா, 'ட்ரைபர், கைகர் மற்றும் க்விட் ஆகிய மூன்று மாடல்ஸில் எங்களது பிரத்யேக பண்டிகை கால சலுகைகளை அறிவிப்பதில் நாங்கள் மகிழ்ச்சியடைகிறோம். ரெனோ இந்தியாவில் நாங்கள் இந்த பண்டிகை காலத்தை எங்கள் வாடிக்கையாளர்களுக்கு இன்னும் சிறப்பானதாக்க அர்ப்பணித்துள்ளோம். இந்த நன்மைகள் அவர்களின் தொடர்ச்சியான நம்பிக்கை மற்றும் ஆதரவிற்கான எங்கள் பாராட்டுகளின் அடையாளமாகும். இந்த பண்டிகைக் காலத்தில் ரெனோ வாகனத்தை ஓட்டும் மகிழ்ச்சியை அனுபவிக்க அனைவரையும் அழைக்கிறோம்!'
மொழிபெயர்த்தவர் : பவித்ரா மதியழகன்
