- 2025 முதல் காலாண்டில் வழங்கப்படும்
- டாஷ்போர்டு லேஅவுட் ஐஸ் ஹேரியர் போல இருக்கும்
டாடா மோட்டார்ஸின் அடுத்த பெரிய வெளியீடு ஹேரியர் இவி வடிவத்தில் வரப் போகிறது. இந்த பிரபலமான எஸ்யுவியின் எலக்ட்ரிக் வெர்ஷன் தயாராகி வருகிறது, இது 2025 முதல் காலாண்டில் இந்தியாவில் அறிமுகப்படுத்தப்படும். அறிமுகத்திற்கு முன்னதாக, ஹேரியர் இவியின் ப்ரொடக்ஷன் ரெடி மாடலின் ஸ்பை படங்கள் வெளியாகி, அதன் இன்டீரியரைக் காட்டுகின்றன.
ஹேரியர் இவியின் டாஷ்போர்டு லேஅவுட் ஐசிஇ ஹேரியரைப் போலவே இருக்கும் என்பதை படத்தில் காணலாம். இது 12.3-இன்ச் இன்ஃபோடெயின்மென்ட் சிஸ்டம், வயர்லெஸ் சார்ஜர், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே கனெக்ட், ஃபோர்-ஸ்போக் ஸ்டீயரிங், டாஷ்போர்டில் பொருத்தப்பட்ட ஸ்பீக்கர்கள், டச்-அடிப்படையிலான எச்விஏசி பேனல், ஆட்டோ ஹோல்டுடன் கூடிய எலக்ட்ரானிக் பார்க்கிங் பிரேக், ஸ்டப்பி கியர் செலக்டர் லெவர் மற்றும் மோட்ஸ்க்கான ரோட்டரி டயல் போன்ற சில அம்சங்களும் சேர்க்கப்படும். இது தவிர, மஞ்சள் நிற அலங்காரமும் டாஷ்போர்டில் தெரிகின்றன, இது ஒரு சிறப்பு தோற்றத்தை அளிக்கிறது.
ஐசிஇ ஹேரியரைப் போலவே, ஹேரியர் இவி ஆனது பெரிய பனோரமிக் சன்ரூஃப், டிஜிட்டல் இன்ஸ்ட்ரூமென்ட் க்ளஸ்டர், பிளைண்ட் ஸ்பாட் மானிட்டர் கொண்ட 360 டிகிரி சரவுண்ட் கேமரா மற்றும் லெவல் 2 ஏடாஸ் போன்ற அம்சங்களைப் பெறும்.
ஹேரியர் இவியின் தொழில்நுட்ப விவரக்குறிப்புகள் பற்றி இன்னும் அதிகம் அறியப்படவில்லை. இருப்பினும், ஹேரியர் இவி டாடா மோட்டார்ஸின் முதல் எலக்ட்ரிக் எஸ்யுவி ஆகும், இது AWD (ஆல்-வீல் டிரைவ்) செட்டப் உடன் வரும். டாடாவின் கர்வ் இவி ஆனது ஏஆர்ஏஐ-சான்றளிக்கப்பட்ட 585 கிமீ டிரைவிங் ரேஞ்சை கொண்டிருந்தாலும், ஹேரியர் இவி ஒருமுறை முழுமையாக சார்ஜ் செய்தால் சுமார் 600 கிமீ டிரைவிங் ரேஞ்சை தரும் என்று எதிர்பார்க்கப்படுகிறது.
மொழிபெயர்த்தவர்: ஐசக் தீபன்
