- செக்மென்ட் ஃபர்ஸ்ட் எலக்ட்ரிக் சன்ரூஃப் கிடைக்கும்
- இதில் புதிய 1.2 லிட்டர் Z சீரிஸ் பெட்ரோல் இன்ஜின் இருக்கும்
இந்த ஆண்டின் தொடக்கத்தில் புதிய ஜெனரேஷன் ஸ்விஃப்ட்டின் வருகைக்குப் பிறகு, டிசையர் ஒரு பெரிய புதுப்பிப்பைக் காணும் என்று அனைவரும் எதிர்பார்த்தனர். கொஞ்சம் காத்திருப்பு, பல ஸ்பை ஷாட்ஸ் மற்றும் லீக் படங்கள் மூலம் இறுதியாக நவம்பர் 4 ஆம் தேதி இந்தியாவில் புதிய டிசையர் வெளியிடப்படும் என்பது உறுதியாகியுள்ளது.
டிசைன் பற்றி பேசுகையில், புதிய டிசையரில் புதிய ஃப்ரண்ட் மற்றும் ரியர் பம்ப்பர்கள், மல்டிபல் ஹோரிசொன்டள் ஸ்லேட்ஸ் கொண்ட புதிய கிரில், புதிய எல்இடி ஹெட்லேம்ப்ஸ் மற்றும் ஃபாக் லைட்ஸ், புதிய டூயல்-டோன் அலோய் வீல்ஸ், ட்ரையங்குளர் கிராபிக்ஸ் கொண்ட எல்இடி டெயில்லைட்ஸ் மற்றும் ஷார்க்-ஃபின் ஆண்டெனா ஆகியவற்றைப் பெறுகிறது.
ஆதாரங்களின்படி, இந்த சப்-ஃபோர் மீட்டர் செடானில் நீங்கள் எலக்ட்ரிக் சன்ரூஃப், ப்ளைண்ட் ஸ்பாட் மானிட்டர், 360 டிகிரி கேமரா, ஆட்டோமேடிக் க்ளைமேட் கன்ட்ரோல், க்ரூஸ் கன்ட்ரோல், டூயல்-டோன் தீம், பெரிய ஃப்ரீ-ஸ்டாண்டிங் டச்ஸ்கிரீன் யூனிட் மற்றும் ஃபிளாட்-பாட்டம் ஸ்டீயரிங் வீல் போன்ற அம்சங்களைப் பெறும்.
2024 டிசையர் புதிய ஜெனரேஷன் ஸ்விஃப்ட்டிலிருந்து பெறப்பட்ட 1.2 லிட்டர், த்ரீ சிலிண்டர் Z-சீரிஸ் பெட்ரோல் இன்ஜின் மூலம் இயக்கப்படும். இந்த இன்ஜின் 80bhp பவரையும் 112Nm டோர்க் திறனையும் உற்பத்தி செய்யும். இது ஃபைவ்-ஸ்பீட் மேனுவல் அல்லது ஏஎம்டீ யூனிட்டுடன் இணைக்கப்படும். இது தவிர, சிஎன்ஜி பதிப்பும் வரும், ஆனால் அது வெளியீட்டில் வரும் அல்லது அதற்குப் பிறகு வருமா என்பதைப் பார்க்க வேண்டும்.
மொழிபெயர்த்தவர்: ஐசக் தீபன்