பண்டிகைக் காலம் நெருங்கி வருவதால் செப்டம்பர் 2024 இல் இந்திய சந்தையில் அறிமுகம் செய்யப்பட உள்ளன புதிய கார்கள் முழு பட்டியல். எஸ்யுவி’ஸ் அல்லது செடான்கள், ஐசிஇ அல்லது இவிகள், மாஸ் மார்க்கெட் அல்லது லக்சுரி செக்மெண்ட் என எதுவாக இருந்தாலும், இந்த செக்மெண்ட்டில் உள்ள ஒவ்வொரு காரின் விவரங்களையும் இந்த கட்டுரையில் செப்டம்பர் மாதம் வெளியிட உள்ளோம். அவை என்னவென்று பார்ப்போம்.
டாடா கர்வ் ஐசிஇ
டாடா மோட்டார்ஸ் இந்த மாத தொடக்கத்தில் கர்வ் இவி’யை அறிமுகப்படுத்தியது. இப்போது செப்டம்பர் 2 ஆம் தேதி, ஐசிஇ வெர்ஷனின் விலைகளையும் வெளிப்படுத்தும். கர்வ் பிராண்ட் நிறுவனத்தின் புதிய இவி-ஃபர்ஸ்ட் இலக்கைக் குறிக்கிறது. இங்கே அது ஒரு எலக்ட்ரிக் வெர்ஷனை வெளியிடும். அதன் பிறகு அதற்கான ஐசிஇ வெர்ஷனும் தொடங்க தயாராக உள்ளது.
கர்வ் 1.2-லிட்டர் டர்போ-பெட்ரோல், 1.2-டீஜிடிஐ டர்போ-பெட்ரோல் மற்றும் 1.5-லிட்டர் டீசல் இன்ஜின்களுடன் வழங்கப்படுகிறது. டிரான்ஸ்மிஷன் விருப்பங்களுக்கு வரும்போது, அனைத்து இன்ஜினும் சிக்ஸ்-ஸ்பீட் மேனுவல் மற்றும் செவன்-ஸ்பீட் டிசிஏ கியர்பாக்ஸ் யூனிட்களைப் பெறுகின்றன. இந்திய சந்தையில் டீசல்-டிசிடி கலவையுடன் வரும் முதல் கார் இதுவாகும்.
மெர்சிடிஸ்-மேபேக் EQS
மெர்சிடிஸ்-பென்ஸ் இந்தியா நிறுவனம் புதிய EQS மேபேக் காரை செப்டம்பர் 5 ஆம் தேதி இந்தியா சந்தையில் அறிமுகப்படுத்த தயராக உள்ளது. கடந்த ஆண்டு சீனாவில் முதன்முதலில் வெளியிடப்பட்டது, மேலும் இந்த புதிய ஃபிளாக்ஷிப் எலக்ட்ரிக் எஸ்யூவி முழுவதும் மேபேக் லோகோக்களைக் கொண்டிருக்கும். இது பல குரோம் இன்செர்ட்ஸைக் கொண்டிருக்கும்.
இன்டீரியரில் பழைய EQS எஸ்யுவி தீம் போலவே, மேபேக்-ஸ்பெக் இன்செர்ட்ஸ் மற்றும் கிராபிக்ஸ் ஆகியவற்றைக் கொண்டுள்ளது, மேலும் ஒரு எம்பக்ஸ் டேப்லெட் மற்றும் ரியர் சீட்ஸ்க்கு இரண்டு 11.6-இன்ச் ஸ்கிரீன் உள்ளன. இதில் 108.4kWh பேட்டரி பேக் உள்ளது, இது 658bhp மற்றும் 600 கிமீ தூரம் வரை செல்லும்.
ஹூண்டாய் அல்கஸார் ஃபேஸ்லிஃப்ட்
ஹூண்டாய் அதன் புதிய அல்கஸார் ஃபேஸ்லிஃப்ட்டின் எக்ஸ்டீரியர் டிசைனை வெளிப்படுத்தியுள்ளது மற்றும் அதன் முன்பதிவும் தொடங்கியுள்ளது. ரூ. 25,000 செலுத்தி இதை முன்பதிவு செய்யலாம். 2024 அல்கஸார் ஆனது பெரிய ஸ்கிரீன், ஏடாஸ், புதிய அப்ஹோல்ஸ்டரி போன்ற பல புதிய அம்சங்களைக் கொண்டிருக்கும்.
இருப்பினும், அதன் இன்ஜினில் எந்த மாற்றமும் இருக்காது, இது 1.5 லிட்டர் டர்போ-பெட்ரோல் மற்றும் டீசல் இன்ஜின்களுடன் மேனுவல் மற்றும் ஆட்டோமேட்டிக் டிரான்ஸ்மிஷன் விருப்பத்துடன் வரும்.
எம்ஜி விண்ட்சர் இவி
வுலிங் கிளவுட் இவியின் ரீபேட்ஜ் வெர்ஷனான எம்ஜி’யின் விண்ட்சர் இவி செப்டம்பர் 11 அன்று இந்தியாவில் அறிமுகப்படுத்தப்படும். இதில் எல்இடி லைட் பார்ஸ், பனோரமிக் சன்ரூஃப் மற்றும் ஸ்டீயரிங் வீல் போன்ற அம்சங்களைக் கொண்டிருக்கும் இந்த காரை எம்ஜி பலமுறை டீஸ் செய்துள்ளது. இதன் ரேஞ்ச் 460 கிமீ வரை இருக்கும், இருப்பினும் எந்த பேட்டரி பேக் இந்திய சந்தையில் வரும் என்பது இதுவரை வெளியிடப்படவில்லை.
புதிய மாருதி டிசையர்
இந்தியாவில் புதிய ஸ்விஃப்ட் மாடலை அறிமுகப்படுத்திய பிறகு, மாருதி விரைவில் புதிய டிசையரை அறிமுகப்படுத்தவுள்ளது. எலக்ட்ரிக் சன்ரூஃப் மற்றும் புதிய டிசைன் இந்த 2024 டிசையரில் காணப்படும். இது ஒரு புதிய 1.2-லிட்டர் Z12E பெட்ரோல் இன்ஜினைக் கொண்டிருக்கும், இது 80bhp மற்றும் 112Nm டோர்க் உருவாக்கும். இது ஃபைவ்-ஸ்பீட் மேனுவல் மற்றும் ஏஎம்டீ டிரான்ஸ்மிஷன் விருப்பங்களைக் கொண்டிருக்கும்.
டாடா நெக்ஸான் சிஎன்ஜி
டாடா இந்த ஆண்டு அதன் வெளியீடுகளை முடிக்கவில்லை. கர்வ் இவி மற்றும் ஐசிஇ வெர்ஷன்க்கு பிறகு, டாடா நெக்ஸானின் சிஎன்ஜி வெர்ஷனையும் அறிமுகப்படுத்தும். இது இந்திய மார்க்கெட்டில் முதல் டர்போ-பெட்ரோல்-சிஎன்ஜி கலவையாகும். இது ட்வின்-சிஎன்ஜி சிலிண்டர் டேங்க்கை கொண்டிருக்கும. மேலும் இது மேனுவல் மற்றும் எம்டீ டிரான்ஸ்மிஷன் விருபங்களிலும் கிடைக்கும். அறிமுகத்திற்குப் பிறகு, பெட்ரோல், டீசல், சிஎன்ஜி மற்றும் இவி உள்ளிட்ட அதிக இன்ஜின் விருப்பங்களைக் கொண்ட காராக நெக்ஸான் இருக்கும்.
மொழிபெயர்த்தவர்: ஐசக் தீபன்
