எம்ஜி குளோஸ்டர் பிளாக்ஸ்டோர்ம் எடிஷன் இந்தியாவில் ரூ.40.29 லட்சம் (எக்ஸ்-ஷோரூம்) ஆரம்ப விலையில் விற்பனை செய்யப்படுகிறது. இந்த எஸ்யுவி 2WD மற்றும் 4WD விருப்பங்களுடன் சிக்ஸ் மற்றும் செவன் சீட்டர் வேரியண்ட்ஸில் கிடைக்கிறது. இந்த புதிய மாடலின் இன்டீரியர் மற்றும் எக்ஸ்டீரியர்ஸில் சில மாற்றங்கள் செய்யப்பட்டுள்ளன.
முற்றிலும் பிளாக் இன்டீரியர் கொடுக்கப்பட்டுள்ள கேபினில் மிகப்பெரிய மாற்றம் வந்துள்ளது. குளோஸ்டரின் ஸ்டாண்டர்ட் எடிஷனில் டூயல்-டோன் தீம் கொண்ட ப்ரௌன் டான் அப்ஹோல்ஸ்டரியைப் பெறுகிறது.
இருப்பினும், டார்க் தீம் உடன் ரெட் இன்சர்ட்ஸ் சிறப்பாக இருந்திருக்கும். ஆனால் எம்ஜி அதை செய்யவில்லை.
ஸ்டாண்டர்ட் குளோஸ்டரின் மற்ற அம்சங்கள் ஸ்பெஷல் எடிஷனிலும் உள்ளன. இது டூயல் பனோரமிக் சன்ரூஃப், மசாஜ் மற்றும் வென்டிலேஷன் ஃபங்ஷன் கூடிய 12-வழியில் அட்ஜஸ்ட் செய்யக்கூடிய பவர் டிரைவர் சீட்ஸை பெறுகிறது.
வழக்கமான குளோஸ்டரைப் போலவே, பிளாக்ஸ்டார்மின் சிக்ஸ் சீட்டர் வெர்ஷனில் சிக்ஸ் கேப்டன் சீட்ஸ் மற்றும் செவன் சீட்டர் வெர்ஷனில் மூன்றாவது வரிசையில் பெஞ்ச் சீட் உடன் வருகிறது.
மொழிபெயர்த்தவர்: ஐசக் தீபன்
