மாருதி சுஸுகி தனது பிரபலமான ஹேட்ச்பேக், வேகன் ஆர் இன் வால்ட்ஸ் எடிஷன்னை சமீபத்தில் அறிமுகப்படுத்தியது. இந்த லிமிடெட் எடிஷனின் விலை ரூ. 5,64,671 (எக்ஸ்-ஷோரூம்) ஆக வைக்கப்பட்டுள்ளது, இதில் ரூ. 65,654 மதிப்புள்ள ஆக்சஸரீஸும் அடங்கும். இந்த ஸ்பெஷல் எடிஷனில் காஸ்மெட்டிக் அப்டேட் மற்றும் பல கூடுதல் அம்சங்கள் சேர்க்கப்பட்டுள்ளது, மேலும் இந்த ஸ்பெஷல் எடிஷன் பற்றி அனைத்தையும் இதில் தெரிந்து கொள்வோம்.
வேரியன்ட்ஸ்
மாருதி சுஸுகி வேகன் ஆர் வால்ட்ஸ் எடிஷன் LXi, VXi மற்றும் ZXi ஆகிய மூன்று வேரியன்ட்ஸில் கிடைக்கிறது. ஒவ்வொரு வேரியன்ட்ஸிலும் சிறந்த அம்சங்களையும் மேம்படுத்தப்பட்ட டிசைனைப் பெறுவீர்கள்.
எக்ஸ்டீரியர்
வால்ட்ஸ் எடிஷனின் எக்ஸ்டீரியரில் சில அற்புதமான மாற்றங்களைப் பெற்றுள்ளது. இதில் குரோம் கிரில், புதிய ஃபாக் லேம்ப்ஸ், பம்பர் ப்ரொடக்டர்கள், வீல் ஆர்ச் கிளாட்டிங், சைட் ஸ்கர்ட்ஸ் மற்றும் பாடி சைட் மோல்டிங்ஸ் ஆகியவை அடங்கும், இது வால்ட்ஸ் எடிஷன்னை இன்னும் ஸ்டைலாக மாற்றுகிறது.
இன்டீரியர்
காரின் இன்டீரியரைப் பற்றி பேசுகையில், நீங்கள் ஒரு இன்டீரியர் ஸ்டைலிங் கிட் பெறுவீர்கள், இதில் டிசைனர் ஃபுளோர் மேட்ஸ் மற்றும் சீட் கவர்கள் ஆகியவை அடங்கும். இது தவிர, இந்த எடிஷனில் 6.2 இன்ச் டச்ஸ்கிரீன் இன்ஃபோடெயின்மென்ட் சிஸ்டம், ரிவர்ஸ் பார்க்கிங் கேமரா, ஸ்பீக்கர்கள் மற்றும் புதிய பாதுகாப்பு அம்சமும் உள்ளது.
இன்ஜின் மற்றும் பர்ஃபார்மன்ஸ்
வேகன் ஆர் வால்ட்ஸ் எடிஷன் இரண்டு K-சீரிஸ் இன்ஜின் ஆப்ஷன்களுடன் வழங்கப்படுகின்றன. முதலாவது 1.0 லிட்டர் பெட்ரோல் இன்ஜின், இது 65.7bhp மற்றும் 89Nm டோர்க்கையும் உற்பத்தி செய்யும். இரண்டாவது 1.2 லிட்டர் பெட்ரோல் இன்ஜின், இது 88.5bhp மற்றும் 113Nm டோர்க்கையும் உருவாக்குகிறது. இரண்டு இன்ஜின்களும் மேனுவல் மற்றும் ஆட்டோமேட்டெட் மேனுவல் டிரான்ஸ்மிஷன் ஆப்ஷன்களுடன் கிடைக்கும்.
மொழிபெயர்த்தவர்: ஐசக் தீபன்