- ஜிம்னியின் விலை ரூ.12.74 லட்சத்திலிருந்து தொடங்குகிறது
- இந்த மாடல் இரண்டு வேரியண்ட்ஸ் மற்றும் ஏழு வண்ணங்களிலும் கிடைக்கிறது
மாருதி சுஸுகி தனது ஜிம்னி எஸ்யுவியை இந்த மாதம் இந்தியாவில் அறிமுகப்படுத்தியது, இதன் ஆரம்ப விலை ரூ.12.74 லட்சம் (எக்ஸ்-ஷோரூம்) ஆகும். ஜனவரி மாதம் ஆட்டோ-எக்ஸ்போ 2023 இல் அறிமுகப்படுத்தப்பட்டதில் இருந்து அதன் முன்பதிவுகள் ரூ.11,000 இல் தொடங்கப்பட்டன. ஆனால், பின்னர் இது ரூ.25,000 ஆக உயர்த்தப்பட்டது.
புதிய மாருதி சுஸுகி ஜிம்னி முன்பதிவு எண்ணிக்கை மற்றும் புதிய முன்பதிவுகள்
மாருதியிடம் இருந்து பெறப்பட்ட தரவுகளின்படி, விலைகள் அறிவிக்கப் படுவதற்கு முன்பு ஜிம்னி ஒரு நாளுக்கு 92 முன்பதிவுகள் இருந்தன, இது இப்போது ஒரு நாளுக்கு 150 முன்பதிவுகளாக அதிகரித்துள்ளது. தற்போது 31,000 யூனிட்ஸ்க்கு மேல் முன்பதிவு செய்துள்ள நிலையில், ஜிம்னிக்கு நீண்ட வெயிட்டிங் பீரியட் இருக்கும் என்று எதிர்பார்க்கப் படுகிறது.
ஜிம்னி ஃபைவ் டோர் வண்ணங்கள் மற்றும் வேரியண்ட்ஸ்
2023 மாடல் ஜிம்னி ஜெட்டாமற்றும் ஆல்ஃபா ஆகிய இரண்டு வேரியண்ட்ஸில் கிடைக்கிறது. இந்த எஸ்யுவி ஆனது சிஸ்லிங் ரெட், நெக்ஸா ப்ளூ, க்ரானைட் க்ரே, பேர்ல் ஆர்க்டிக் ஒயிட், ப்ளூயிஷ் பிளாக், சிஸ்லிங் ரெட் உடன் ப்ளூயிஷ் பிளாக் ரூஃப், மற்றும் கைனடிக் எல்லோ உடன் பிளாக் ரூஃப் ஆகிய ஏழு வண்ண விருப்பங்களில் புக்கிங் செய்யலாம். இதனுடன், மாருதி எஸ்யுவிக்கான பல்வேறு ஆக்சஸரீஸும்வழங்குகிறது.
மாருதி ஜிம்னி இன்ஜின் மற்றும் ஃபீச்சர்ஸ்
புதிய ஜிம்னி 1.5-லிட்டர் K15B பெட்ரோல் இன்ஜின் மூலம் இயக்கப்படுகிறது, ஃபைவ்-ஸ்பீட் மேனுவல் யூனிட் அல்லது ஃபோர்-ஸ்பீட் டோர்க் கன்வர்டர் ஆட்டோமேட்டிக் யூனிட் உடன் இணைக்கப்பட்டுள்ளது. இந்த இன்ஜின் 103bhp மற்றும் 134Nm டோர்க்கையும் உருவாக்குகிறது.
மொழிபெயர்த்தவர்: ஐசக் தீபன்
