- ஜூன் 2024 வரை மட்டுமே கிடைக்கும்
- ஏஎம்டீ மாடல்களின் விலையில் ரூ. 5,000 வரை குறைக்கப்பட்து
ஆல்டோ K10, செலிரியோ மற்றும் எஸ்-பிரஸ்ஸோ உள்ளிட்ட அதன் என்ட்ரி-லெவல் ஹேட்ச்பேக்காக ட்ரீம் சீரிஸ் எடிஷனை மாருதி சுஸுகி அறிமுகப்படுத்தியுள்ளது. இந்த புதிய எடிஷன் மூன்று மாடல்களுக்கும் ரூ. 4.99 லட்சம் எக்ஸ்ஷோரூம் விலையில் வழங்கப்படும். இந்த புதிய சீரிஸ் ஜூன் 2024 வரை மட்டுமே என்பது குறிப்பிடத்தக்கது.
ட்ரீம் சீரிஸ் ஆனது ஆல்டோ K10 மற்றும் எஸ்-பிரஸ்ஸோ ஆகியவற்றுக்கான VXI+ வேரியன்ட்டையும், செலிரியோக்கான LXI வேரியன்ட்டையும் அடிப்படையாகக் கொண்டது. அம்சங்களைப் பொறுத்தவரை, ஆல்டோ K10 ஆனது ரிவர்ஸ் பார்க்கிங் கேமரா மற்றும் ட்ரீம் சீரிஸுடன் சென்ட்ரல் லாக்கிங் சிஸ்டம் ஆகியவற்றிலிருந்து பயனடைகிறது. மறுபுறம், செலிரியோ ரிவர்ஸ் பார்க்கிங் கேமரா மற்றும் இரண்டு ஸ்பீக்கர்கள் கொண்ட பயோனியர் சவுண்ட் சிஸ்டம் ஆகியவற்றைப் பெறுகிறது.
இதற்கிடையில், எஸ்-பிரஸ்ஸோ ட்ரீம் சீரிஸ் அதிக அம்சங்களை பெற்றுள்ளது. இதில் ரிவர்ஸ் பார்க்கிங் கேமரா, சென்ட்ரல் லாக்கிங், இரண்டு ஸ்பீக்கர்கள் மற்றும் இன்டீரியர் ஸ்டைலிங் கிட் ஆகியவை அடங்கும். மேலும், எஸ்-பிரஸ்ஸோவின் எக்ஸ்டீரியரில் வீல் அர்ச்செஸ் கிளாடிங், ஸ்கிட் பிளேட்ஸ், நம்பர் பிளேட் ஃபிரேம் மற்றும் ஃப்ரண்ட் கிரில் மற்றும் டெயில்கேட் ஆகியவற்றில் குரோம் கார்னிஷ் ஆகியவற்றுடன் வழங்கப்படுகின்றன.
மொழிபெயர்த்தவர்: ஐசக் தீபன்
