- மஹிந்திரா டாப்-ஸ்பெக் XUV700 இன் விலைகளை குறைத்துள்ளது
- XUV700 இன் விலை ரூ. 13.99 லட்சத்திலிருந்து தொடங்குகிறது
கடந்த மாதம், மஹிந்திரா நிறுவனம் XUV700 எஸ்யுவியின் விலையை சுமார் ரூ. 2.2 லட்சம் குறைத்தது. குறைக்கப்பட்ட விலைகள் XUV700 இன் டாப்-ஸ்பெக் AX7 மற்றும் AX7L வேரியன்ட்ஸ்க்கு பொருந்தும். இப்போது இந்திய கார் தயாரிப்பு நிறுவனம் வேறு சில வேரியன்ட்ஸின் விலைகளையும் குறைத்து உடனடியாக அமலுக்கு கொண்டு வந்துள்ளது.
மஹிந்திரா XUV700 இன் AX5 டீசல் ஏடீ 7-சீட்டர் வேரியன்ட்டின் விலை இப்போது ரூ. 20.39 லட்சமாக உள்ளது, இதன் விலையில் சுமார் ரூ. 70,000 வரை குறைக்கப்பட்டுள்ளது. இதேபோல், AX5 பெட்ரோல் எம்டீ 7 சீட்டர், AX5 பெட்ரோல் எம்டீ 7 சீட்டர் இஎஸ்பீ மற்றும் AX5 டீசல் எம்டீ 7 சீட்டர் வேரியன்ட்ஸ் முறையே ரூ. 50 ஆயிரம் வரை குறைக்கப்பட்டுள்ளது.
கூடுதலாக, XUV700 மாடல் வரம்பின் AX3 டீசல் ஏடீ 7-சீட்டர் மற்றும் AX5 டீசல் ஏடீ 5-சீட்டர் வேரியன்ட்ஸ் ஒவ்வொன்றும் ரூ. 20,000 விலைக் குறைப்பைப் பெற்றுள்ளன. XUV700 இன் ரேஞ்ச் தற்போது ரூ. 13.99 லட்சம் முதல் ரூ. 26.04 லட்சம் வரை எக்ஸ்-ஷோரூம் விலையில் விற்கப்படுகின்றன. XUV700 இன் எலக்ட்ரிக் வெர்ஷன் வரும்போது, அது XUV.e8 எலக்ட்ரிக் கார் என்று அழைக்கப்படலாம். இது இந்த ஆண்டின் பிற்பகுதியிலோ அல்லது அடுத்த ஆண்டு தொடக்கத்திலோ அறிமுகப்படுத்தப்படும்.
மொழிபெயர்த்தவர்: ஐசக் தீபன்
