- 33 மாதங்களில் இந்த மைல்கல்லை கடந்துள்ளது
- XUV700 இல் இரண்டு புதிய வண்ணங்கள் சேர்க்கப்பட்டுள்ளன
மஹிந்திரா XUV700 இந்தியாவில் இரண்டு லட்சம் யூனிட்களை உற்பத்தி செய்து புதிய சாதனையை படைத்துள்ளது. இந்த எஸ்யுவி 21 மாதங்களில் ஒரு லட்சம் யூனிட்களைத் தாண்டி 33 மாதங்களில் இரண்டு லட்சத்தை எட்டியது.
இந்த சந்தர்ப்பத்தில், இந்திய ஆட்டோமொபைல் உற்பத்தியாளர் XUV700 க்கு டீப் ஃபாரஸ்ட் மற்றும் பர்ன்ட் சியன்னா என்ற இரண்டு புதிய வண்ணங்களை அறிமுகப்படுத்தியுள்ளது.
XUV700 ஏழு வேரியன்ட்ஸில் உள்ளன, இதில் MX, AX3, AX5, AX5 செலக்ட், AX7, AX7 லக்சுரி மற்றும் AX7 லக்சுரி ப்ளேஸ் எடிஷன் ஆகியவை அடங்கும். இந்த எஸ்யுவி 2.0 லிட்டர் டர்போ-பெட்ரோல் மற்றும் 2.2 லிட்டர் டீசல் இன்ஜின் என இரண்டு ஆப்ஷன்களில் கிடைக்கிறது.
டர்போ-பெட்ரோல் வேரியன்ட் 197bhp மற்றும் 380Nm டோர்கையும், டீசல் இன்ஜின் 182bhp மற்றும் 450Nm டோர்க் ஐ உருவாக்குகிறது. கியர்பாக்ஸுக்கு சிக்ஸ்-ஸ்பீட் மேனுவல் மற்றும் சிக்ஸ்-ஸ்பீட் டோர்க் கன்வர்டர் விருப்பங்கள் உள்ளன, மேலும் டாப்-எண்ட் டீசல் வேரியன்ட்ஸ் AWD சிஸ்டத்தையும் பெறுகின்றன.
மொழிபெயர்த்தவர்: ஐசக் தீபன்
