- 4x4 வேரியன்ட்ஸில் பிரத்யேக மோக்கா பிரவுன் தீம்
- 4x4 வேரியன்ட்ஸின் டெலிவரி ஜனவரி 2025 முதல் தொடங்கும்
மஹிந்திரா தனது பிரபலமான எஸ்யுவி தார் ரோக்ஸின் இன்டீரியரைப் புதுப்பித்து புதிய தீம் ஒன்றை அறிமுகப்படுத்தியுள்ளது. வாடிக்கையாளர்கள் மற்றும் ஊடகங்களின் கருத்துக்களை மனதில் கொண்டு, மஹிந்திரா தார் ரோக்ஸின் 4x4 வேரியன்ட்ஸ்க்கு மோக்கா பிரவுன் இன்டீரியர் தீம் அறிமுகப்படுத்தியுள்ளது. அதே நேரத்தில், ஐவரி (ஒயிட்) தீம் முன்பு போலவே மீதமுள்ள வேரியன்ட்ஸிலும் தொடரும்.
தார் ரோக்ஸ் 4x4 ரேஞ்சில் புதிய மோக்கா பிரவுன் தீமுக்கு கூடுதல் கட்டணம் ஏதும் இல்லை என்று மஹிந்திரா தெளிவுபடுத்தியுள்ளது. நவராத்திரியின் முதல் நாளான நேற்று அதாவது அக்டோபர் 3, 2024 அன்று இந்தத் தீம் கொண்ட முன்பதிவுகள் தொடங்கப்பட்டுள்ளன, முன்பதிவு தொடங்கி ஒரு மணி நேரத்துக்குள் சுமார் 1.17 லட்சம் யூனிட்களின் முன்பதிவை பதிவு செய்து புதிய மைல்கல்லை எட்டியது. மேலும் 4x4 வேரியன்ட்ஸின் வாடிக்கையாளர்கள் தங்கள் விருப்பப்படி ஐவரி மற்றும் மோக்கா பிரவுன் தீம்களில் ஒன்றைத் தேர்வு செய்யலாம்.
ஐவரி தீம் கொண்ட தார் ரோக்ஸின் டெலிவரிகள் அக்டோபர் 2024 முதல் தொடங்கும், அதே நேரத்தில் மோக்கா தீம் வேரியன்ட்ஸின் டெலிவரி ஜனவரி 2025 இறுதிக்குள் தொடங்கும்.
தார் ரோக்ஸ் பெட்ரோல் மற்றும் டீசல் இன்ஜின் விருப்பங்களில் கிடைக்கிறது, பல பவர் ட்யூனிங் விருப்பங்களுடன். இது தவிர, இரண்டு கியர்பாக்ஸ் விருப்பங்கள், ஏழு வண்ணங்கள் மற்றும் ஆறு வேரியன்ட்ஸில் கொடுக்கப்பட்டுள்ளது. மஹிந்திரா தார் ரோக்ஸ் மார்க்கெட்டில் அதன் பிடியை வலுப்படுத்தியுள்ளது மற்றும் வாடிக்கையாளர்களின் அனைத்து தேவைகளையும் பூர்த்தி செய்யும் வகையில் பல வேரியன்ட்ஸ் மற்றும் தீம்களுடன் வழங்கப்படுகிறது.
மொழிபெயர்த்தவர்: ஐசக் தீபன்