- இதன் விலை ரூ. 12.99 லட்சத்தில் இருந்து தொடங்குகிறது
- இது ஆறு வேரியன்ட்ஸில் கிடைக்கிறது
மஹிந்திரா சமீபத்தில் இந்தியாவில் மிகவும் எதிர்பார்க்கப்பட்ட தார் ரோக்ஸின் டெலிவரியைத் தொடங்கியுள்ளது. இந்த ஃபைவ்-டோர் எஸ்யுவியின் ஆரம்ப விலை ரூ. 12.99 லட்சம் (எக்ஸ்-ஷோரூம்). இனி நாடு முழுவதும் உள்ள டீலர்ஷிப்களில் இந்த ஆஃப்-ரோடர் கிடைக்கிறது.
தார் ரோக்ஸ் MX1, MX3, AX3L, MX5, AX5L மற்றும் AX7L ஆகிய ஆறு வகைகளில் இருந்து வாடிக்கையாளர்கள் தேர்வு செய்யலாம், மேலும் இது ஸ்டெல்த் பிளாக், டேங்கோ ரெட், எவரெஸ்ட் ஒயிட், டீப் ஃபாரஸ்ட், நெபுலா ப்ளூ, பேட்டில்ஷிப் கிரே மற்றும் பர்ன்ட் சியன்னா உள்ளிட்ட ஏழு வண்ண விருப்பங்களைக் கொண்டுள்ளது.
புதிய தார் ரோக்ஸ் 2.0-லிட்டர் டர்போ-பெட்ரோல் மற்றும் 2.2-லிட்டர் டீசல் இன்ஜின்களால் இயக்கப்படுகிறது, அவை வெவ்வேறு டியூனிங் விருப்பங்களுடன் வருகின்றன. இது சிக்ஸ்-ஸ்பீட் மேனுவல் மற்றும் டோர்க் கன்வர்டர் ஆட்டோமேட்டிக் கியர்பாக்ஸுடன் இணைக்கப்பட்டுள்ளது. வாடிக்கையாளர்கள் இதை 4x2 மற்றும் 4x4 வேரியன்ட்ஸில் தேர்வு செய்யலாம்.
தார் ரோக்ஸின் எக்ஸ்டீரியரில் எல்இடி புரொஜெக்டர் ஹெட்லைட்ஸ், புதிய மல்டி-ஸ்லாட் கிரில், டூயல்-டோன் அலோய் வீல்ஸ், சதுர வடிவ எல்இடி டெயில்லைட்கள் மற்றும் டெயில்கேட்டில் பொருத்தப்பட்ட ஸ்பேர் வீல் ஆகியவை அடங்கும். இன்டீரியரில், இந்த எஸ்யுவி ஆனது பனோரமிக் சன்ரூஃப், வயர்லெஸ் ஆப்பிள் கார்ப்ளே மற்றும் ஆண்ட்ராய்டு ஆட்டோ, ஃபுல் டிஜிட்டல் கலர் இன்ஸ்ட்ரூமென்ட் க்ளஸ்டர், ஏடாஸ், வென்டிலேடெட் ஃப்ரண்ட் சீட்ஸ், ஆட்டோமேட்டிக் க்ளைமேட் கன்ட்ரோல் மற்றும் 65W யுஎஸ்பி டைப்-சி சார்ஜிங் போர்ட் போன்ற அம்சங்களைக் கொண்டுள்ளது.
மொழிபெயர்த்தவர்: ஐசக் தீபன்