- ரூ. 1.75 லட்சம் வரை சலுகைகள் கிடைக்கும்
- ஃபைவ்-டோர் தார் ரோக்ஸை மேலும் கவர்ந்திழுக்கும் திட்டத்தை டீலர்ஷிப்கள் கொண்டு வந்துள்ளன
மஹிந்திரா நிறுவனம் சமீபத்தில் ஃபைவ்-டோர் தார் ரோக்ஸை அறிமுகப்படுத்தியுள்ளது, இது ஆண்டின் மிகப்பெரிய லான்ச் ஆகும். இந்த புதிய லைஃப்ஸ்டைல் ஆஃப்-ரோடர் அறிமுகப்படுத்தப்பட்ட ஒரு மணி நேரத்திற்குள் 1.76 லட்சத்திற்கும் அதிகமான முன்பதிவுகளுடன் மிகப்பெரிய வெற்றியைப் பதிவு செய்துள்ளது. இப்போது, தார் ரோக்ஸின் மகத்தான வெற்றிக்குப் பிறகு, த்ரீ-டோர் வெர்ஷன்கான தேவை கணிசமாகக் குறைந்துள்ளது.
எங்களுக்கு கிடைத்த தகவலின்படி, நாடு முழுவதும் உள்ள மஹிந்திரா டீலர்ஷிப்கள் தசரா மற்றும் தீபாவளி பண்டிகை காலங்களில் த்ரீ-டோர் தாரின் தேர்ந்தெடுக்கப்பட்ட வேரியன்ட்ஸில் ரூ. 1.75 லட்சம் வரை பெரும் தள்ளுபடியை வழங்குகின்றன. மேலும், தார் எஸ்யுவியின் அனைத்து வெர்ஷனின் வெயிட்டிங் பீரியட்டிலும் பெரிய அளவில் குறைக்கப்பட்டுள்ளது.
த்ரீ-டோர் தார் உடன் ஒப்பிடும்போது, தார் ரோக்ஸ் மாடல் வாடிக்கையாளர்களிடமிருந்து அமோகமான விமர்சனங்களைப் பெற்றுள்ளது. தற்போது, த்ரீ டோர் தார் ரூ. 11.35 லட்சம் எக்ஸ்ஷோரூம் ஆரம்ப விலையில் கிடைக்கும். இதேபோல், டாப்-ஸ்பெக் 4x4 வெர்ஷன் காரின் விலை இந்தியாவில் ரூ.17.60 லட்சம் ஆகும்.
மொழிபெயர்த்தவர்: ஐசக் தீபன்
