- சோனெட்விற்பனை மொத்த விற்பனையில் 42 சதவிகிதம் ஆகும்
- 9.8 சதவீத வருடாந்திர வளர்ச்சி கொண்ட கொரிய பிராண்ட்
தென் கொரிய கார் நிறுவனமான கியா இந்தியா ஜூன் மாதத்திற்கான அதன் விற்பனை அறிக்கையை வெளியிட்டுள்ளது, இதில் கியா 21,300 யூனிட்களை விற்றுள்ளது மற்றும் ஜூன் விற்பனை அட்டவணையில் சிறந்த செயல்திறனாக உள்ளது. கடந்த ஆண்டு விற்பனையான 19,391 யூனிட்களுடன் ஒப்பிடுகையில், இந்த ஆண்டு 9.8 சதவீத வளர்ச்சியை கியா பதிவு செய்துள்ளது. இருப்பினும், சோனெட் கார் இங்கு விற்பனையில் முக்கியமானது, இது 2024 முதல் பாதியில் மொத்த விற்பனையில் 42 சதவீதத்தைக் கொண்டுள்ளது, இது இந்தியாவில் கொரிய வாகன உற்பத்தியாளரிடமிருந்து அதிகம் விற்பனையாகும் மாடலாக மாறியது. எனவே 2024 இன் முதல் ஆறு மாதங்களில், கியா செல்டோஸை விட அதிகமான சோனெட் கார்களை விற்றது.
இதேபோல், 2024 ஆம் ஆண்டின் முதல் பாதியில் விற்பனையின் அடிப்படையில் சோனெட் தொடர்ந்து முதலிடத்தைப் பிடிக்கும், அதைத் தொடர்ந்து செல்டோஸ் மற்றும் கேரன்ஸ் முறையே 32 மற்றும் 25 சதவீத விற்பனையுடன் உள்ளன. வாகன உற்பத்தியாளர் 2024 முதல் பாதியில் 1.26 லட்சம் யூனிட்களை விற்பனை செய்துள்ளார். மேலும், இதே காலகட்டத்தில் கொரிய பிராண்ட் 12,026 கார்களை வெளிநாடுகளுக்கு ஏற்றுமதி செய்துள்ளது.
விற்பனை குறித்து, கியாவின் மூத்த துணைத் தலைவரும், விற்பனை மற்றும் சந்தைப்படுத்தல், தேசியத் தலைவருமான ஹர்தீப் சிங் ப்ரார் கூறுகையில், “2024 ஆம் ஆண்டின் முதல் பாதியில், நிறுவனம் சராசரியாக 21,000 யூனிட்களை விற்பனை செய்ததால், கியாவின் சிறந்த வளர்ச்சியை நாங்கள் கண்டோம். எங்களின் சிறந்த தயாரிப்புகள் வாடிக்கையாளர்களை ஆண்டு முழுவதும் எங்கள் ஷோரூம்களைப் பார்வையிட ஈர்க்கின்றன, மேலும் வலுவான விற்பனையுடன் சந்தையில் நாங்கள் தொடர்ந்து சிறந்த நிலையில் இருக்கிறோம்” என்று அவர் கூறினார்.
மொழிபெயர்த்தவர்: ஐசக் தீபன்
