முதல் நாளிலேயே கியா செல்டோஸ் ஃபேஸ்லிஃப்ட், அதிக புக்கிங்ஸை பெற்றுள்ளது

- செல்டோஸ் ஃபேஸ்லிஃப்ட் கே-கோட் மூலம் 1,973 ஆர்டர்ஸைப் பெற்றது

- விலை விரைவில் வெளியிடப்படும் என்று எதிர்பார்க்கப்படுகிறது

கியா செல்டோஸ் ஃபேஸ்லிஃப்ட்டின் புக்கிங்ஸ்

கியா இந்தியா தனது புதிய செல்டோஸ் ஃபேஸ்லிஃப்ட்டின் முன்பதிவுகளை நேற்று, 14 ஜூலை 2023 அன்று ரூ.25,000 டோக்கன் தொகையுடன் தொடங்கியது. இப்போது செல்டோஸ் ஃபேஸ்லிஃப்ட் ஒரே நாளில் 13,424 முன்பதிவுகளை குவித்துள்ளதாக பிராண்ட் அறிவித்துள்ளது. இதில், 1,973 வாடிக்கையாளர்கள் தங்கள் முன்பதிவு செய்ய கே-கோடை பயன்படுத்தியுள்ளனர்.

நியூ கியா செல்டோஸ் வேரியண்ட்ஸ் மற்றும் வண்ண விருப்பங்கள்

2023 செல்டோஸ் ஃபேஸ்லிஃப்ட் மூன்று முக்கிய ட்ரிம்ஸ் HTE, HTK, HTK ப்ளஸ், HTX, HTX ப்ளஸ், GTX ப்ளஸ் மற்றும் X லைன் உள்ளிட்ட பல வேரியண்ட்ஸிலும் வழங்கப்படுகிறது. மேலும், இதை வாங்குபவர்களுக்கு பியூட்டர் ஆலிவ், ஸ்பார்க்லிங் சில்வர், க்ளியர் ஒயிட், க்ராவிட்டி க்ரே, அரோரா பிளாக் பேர்ல், இம்பெரியல் ப்ளூ, இன்டென்ஸ் ரெட், க்ளேசியர் ஒயிட், அரோரா பிளாக் பேர்ல் உடன் இன்டென்ஸ் ரெட், மற்றும் அரோரா பிளாக் பேர்ல் உடன் க்ளேசியர் ஒயிட் உள்ளிட்ட 10 வண்ண விருப்பங்களில் கிடைக்கும். இதற்கிடையில், இன்டீரியர் ஆறு வெவ்வேறு தீம் விருப்பங்களில் இருக்கலாம்.

செல்டோஸ் ஃபேஸ்லிஃப்ட்டின் அம்சங்கள் பட்டியல்

அம்சங்களைப் பொறுத்தவரை, செல்டோஸ் ஃபேஸ்லிஃப்ட் 12.5-இன்ச் ஆல்-டிஜிட்டல் இன்ஸ்ட்ரூமென்ட் க்ளஸ்டர், டூயல்-ஜோண் க்ளைமேட் கண்ட்ரோல், ஆம்பியன்ட் லைட்டிங், வயர்லெஸ் சார்ஜர், பனோரமிக் சன்ரூஃப் மற்றும் லெவல் 2 ஏடாஸ் ஆகியவற்றுடன் வருகிறது. 360 டிகிரி சரவுண்ட் கேமரா,வென்டிலேடெட் ஃப்ரண்ட் சீட்ஸ், எட்டு வழி இயங்கும் டிரைவரின் சீட், போஸ் மூலமான எட்டு-ஸ்பீக்கர் மியூசிக் சிஸ்டம், க்ரூஸ் கண்ட்ரோல் மற்றும் பல அம்சங்களை வழங்கப்படுகின்றது.

மொழிபெயர்த்தவர் : பவித்ரா மதியழகன்