- புதிய கார்னிவல் மற்றும் EV9 க்குப் பிறகு கியாவின் மூன்றாவது பிரீமியம் கார் இதுவாகும்
- இது இந்த ஆண்டு மே மாதம் தெரியவந்தது
கியா இந்தியா விரைவில் அதன் பிரீமியம் செக்மெண்ட்டில் மற்றொரு மாற்றத்தை ஏற்படுத்த உள்ளது. சமீபத்தில் நிறுவனம் தனது புதிய ஜெனரேஷன் கார்னிவல் மற்றும் EV9 எலக்ட்ரிக் எஸ்யுவிகளை இந்தியாவில் அறிமுகப்படுத்த தயாராக உள்ளது, இது அடுத்த மாதம் அறிமுகப்படுத்தப்படும். ஆனால் இதற்குப் பிறகு, மற்றொரு சிறப்பு தயாரிப்பான EV6 ஃபேஸ்லிஃப்ட்டை இந்திய சந்தையில் கொண்டு வர கியா தயாராகி வருகிறது. புதிய கார்னிவல் மற்றும் EV9 க்குப் பிறகு இந்திய சந்தையில் கியா EV6 ஃபேஸ்லிஃப்ட் நிறுவனத்தின் மூன்றாவது பிரீமியம் காராகும். இந்த புதிய EV6 இன் வருகையுடன், கியாவின் எலக்ட்ரிக் வாகனங்களின் டிரைவிங் ரேஞ்ச் மேலும் வலுவடையும்.
கொரிய ஆட்டோமொபைல் பிராண்டான கியா இந்தியாவில் EV6 இன் ஃபேஸ்லிஃப்ட் பதிப்பிற்கான காப்புரிமையை பதிவு செய்துள்ளது. அதன் வெளியீடு வெகு தொலைவில் இல்லை என்பதை இது தெளிவாகக் குறிக்கிறது. இந்த புதிய எலக்ட்ரிக் கிராஸ்ஓவரின் உலகளாவிய அறிமுகம் இந்த ஆண்டு மே மாதம் நடந்தது, இதில் எக்ஸ்டீரியர் வடிவமைப்பில் மாற்றங்கள், பெரிய பேட்டரி மற்றும் இன்டீரியரில் சில சிறிய மாற்றங்கள் உள்ளன.
ஃபேஸ்லிஃப்ட் EV6 இன் ஃப்ரண்ட்டில் புதிய தோற்றத்தைப் பெறுகிறது, இதில் ட்ரையங்குளர் வடிவ எல்இடி டிஆர்எல்ஸ் மற்றும் புதிய பம்பர் கொண்ட புதிய ஏர் டேமும் அடங்கும். இது தவிர, புதிய 20-இன்ச் அலோய் வீல்ஸ் மற்றும் டெயில்கேட்டில் உள்ள எல்இடி லைட் பார்களிலும் சிறிய மாற்றங்கள் செய்யப்பட்டுள்ளன.
2025 கியா EV6 இன் இன்டீரியரில், 12-இன்ச் ஹெட்ஸ்-அப் டிஸ்ப்ளே (HUD) மற்றும் டிஜிட்டல் ஐஆர்விஎம் உடன் ஆஃப்செட் லோகோவுடன் புதிய டூயல்-டோன் ஸ்டீயரிங் வீலைப் பெறுகின்றன. இந்த புதிய வெர்ஷனில் முந்தைய 77.4kWh பேட்டரி பேக்கிற்கு பதிலாக இப்போது பெரிய 84kWh பேட்டரி உள்ளது. இந்த அப்டேடெட் மாடலின் ரேஞ்சை கியா இன்னும் வெளியிடவில்லை என்றாலும், இது இன்னும் 350kW டிசி ஃபாஸ்ட் சார்ஜிங் சப்போர்ட் உடன் வருகிறது, இது 10-80 சதவிகிதம் சார்ஜ் செய்ய 18 நிமிடங்கள் மட்டுமே ஆகும்.
மொழிபெயர்த்தவர்: ஐசக் தீபன்
