- இந்த மாடல் சோனெட் மற்றும் செல்டோஸ்க்கு இடையே இருக்கும்
- இந்த ஆண்டு இறுதிக்குள் அறிமுகமாகலாம்
கியா இந்தியா தனது புதிய காரை விரைவில் சந்தையில் அறிமுகப்படுத்த உள்ளது. கியாவின் க்ளாவிஸ் மாடல் சோதனையின் போது பலமுறை பார்க்கப்பட்டது குறிப்பிடத்தக்கது. பிராண்ட் இந்த எஸ்யுவியை சோனெட் மற்றும் செல்டோஸ்க்கு இடையே நிலைநிறுத்த முடியும் என்று நம்பப்படுகிறது. சமீபத்தில் க்ளாவிஸ் மீண்டும் தென்ப்பட்டது, அதன் பிறகு இந்த ஆண்டு இறுதிக்குள் இந்த சிறிய எஸ்யுவி அதிகாரப்பூர்வமாக அறிமுகப்படுத்தப்படும் என்று எதிர்பார்க்கப்படுகிறது.
வெளிவந்துள்ள புதிய படங்களில் காரின் இன்டீரியர் மற்றும் எக்ஸ்டீரியர் வடிவமைப்பை தெளிவாகக் காணலாம். ஸ்பை படங்களில் காணப்படுவது போல், க்ளாவிஸ் ஒரு பாக்ஸி வடிவத்துடன் வழங்கப்படும். வடிவமைப்பைப் பொறுத்தவரை, இந்த கார் ஓரளவிற்கு கியா சோனெட் மற்றும் கேரன்ஸ் எம்பிவி ஆகியவற்றின் கலவையான மாடலாக இருக்கும் என உணர்படுகிறது.
இருப்பினும், இந்த புதிய மாடல் வெர்டிகல்லி ஸ்டேக்ட் டிஆர்எல்ஸ், பாட்-ஸ்டைல் ஹெட்லேம்ப்ஸ், டூயல்-டோன் அலோய் வீல்ஸ், லோ-பிளேஸ்ட் எல்இடி டெயில்லேம்ப்ஸ் மற்றும் ரியரில் ஃபிளாட் டெயில்கேட் கொண்ட பெரிய விண்ட்ஸ்கிரீன் ஆகியவற்றுடன் கிடைக்கும். இது தவிர, இந்த எஸ்யுவியில் ஃபங்ஷனல் ரூஃப் ரெயில்ஸ், ஸ்குயர் வீல் அர்ச்செஸ் மற்றும் பெரிய கிளாட்டிங் ஆகியவற்றைக் காணலாம்.
க்ளாவிஸின் இன்டீரியர் முதன்முறையாக வெளியாகியுள்ளது குறிப்பிடத்தக்கது. படங்களில் காணப்படுவது போல், இது டூ-ஸ்போக் பிளாட்-பாட்டம் ஸ்டீயரிங் வீலைக் கொண்டுள்ளது, இது டூயல்-டோன் ஃபினிஷுடன் கிடைக்கும். இது தவிர, மீடியா மற்றும் இன்ஸ்ட்ரூமென்ட் பேனலுக்கான கன்ட்ரோல் ஸ்டீயரிங் வீலிலேயே இருக்கும்.
அதே சமயம், ஸ்டீயரிங் நடுவில் ஆட்டோ வைப்பர் மற்றும் கியா லோகோ இருக்கும் என்பதும் குறிப்பிடத்தக்கது. மேலும், இன்ஃபோடெயின்மென்ட் சிஸ்டம் மற்றும் டிரைவர் டிஸ்ப்ளே என இரண்டு டிஸ்ப்ளேக்கள் கிடைக்கும். இது தவிர, இன்ஃபோடெயின்மென்ட்டுக்கு ஃபிசிகல் கன்ட்ரோல் இருக்கும்.
இந்த எஸ்யுவியில் கியா சோனெட்டின் இன்ஜின் வழங்கப்படும் என எதிர்பார்க்கப்படுகிறது. இதில் 1.2-லிட்டர் பெட்ரோல், 1.0-லிட்டர் டர்போ-பெட்ரோல் மற்றும் 1.5-லிட்டர் டீசல் இன்ஜின் ஆகியவை அடங்கும், இது மேனுவல் மற்றும் ஆட்டோமேட்டிக் டிரான்ஸ்மிஷனுடன் இணைக்கப்படலாம்.
மொழிபெயர்த்தவர்: ஐசக் தீபன்
