- இது பிரீமியம் (O) வேரியன்ட்டிற்கு மேலே உள்ள மாடல்
- கார்னிவல் விரைவில் லான்ச் ஆகும்
கியா இந்தியா தனது வாடிக்கையாளர்களுக்கு ஒரு ஸ்பெஷல் மாடலை அறிமுகப்படுத்தியுள்ளது. நிறுவனம் கேரன்ஸ் எம்பீவியின் புதிய கிராவிட்டி எடிஷனை அறிமுகப்படுத்தியுள்ளது, இதன் ஆரம்ப எக்ஸ்ஷோரூம் விலை ரூ.12.10 லட்சம். இந்த கார் இப்போது இந்தியாவில் உள்ள ஷோரூம்களுக்கு வரத்தொடங்கியது மற்றும் பிரீமியம் (O) வேரியன்ட்டிற்கு மேல் நிலைநிறுத்தப்பட்டுள்ளது.
பிரீமியம் (O) வேரியன்ட்டுடன் ஒப்பிடும்போது கிராவிட்டி எடிஷனில் பல சிறப்பு அம்சங்கள் சேர்க்கப்பட்டுள்ளது. இதன் ஃப்ரண்ட் டோரில் கிராவிட்டி பேட்ஜைக் கொண்டுள்ளது, இது அதன் கவர்ச்சியை இன்னும் அதிகரிக்கிறது. இது தவிர, டாஷ் கேமரா, சன்ரூஃப், ஃபிளாட்-பாட்டம் ஸ்டீயரிங், ஃபாக்ஸ் லெதர் சீட்ஸ், எல்இடி ரீடிங் லேம்ப் மற்றும் லெதரெட் டோர் சென்ட்ரல் மற்றும் ஆர்ம்ரெஸ்ட் போன்ற அம்சங்களும் இதில் சேர்க்கப்பட்டுள்ளன.
இந்த ஸ்பெஷல் எடிஷனில் மூன்று இன்ஜின் ஆப்ஷன்கள் கொடுக்கப்பட்டுள்ளன. இதில் 1.5 லிட்டர் பெட்ரோல், 1.5 லிட்டர் டீஜிடிஐ பெட்ரோல் மற்றும் 1.5 லிட்டர் டீசல் இன்ஜின் ஆகியவை அடங்கும். டீஜிடிஐ இன்ஜின் சிக்ஸ்-ஸ்பீட் ஐஎம்டீ கியர்பாக்ஸுடன் வருகிறது, மற்ற இரண்டு இன்ஜின் விருப்பங்களும் ஸ்டாண்டர்ட் மேனுவல் டிரான்ஸ்மிஷனுடன் வருகின்றன.
இதனுடன், மற்றொரு பெரிய செய்தி என்னவென்றால், கியாவின் புதிய கார்னிவல் எம்பீவி விரைவில் அறிமுகப்படுத்தப்பட உள்ளது. இதன் முன்பதிவு செப்டம்பர் 16, 2024 முதல் தொடங்கியது. இந்த பிரீமியம் எம்பீவியை பதிவு செய்ய ஆர்வமுள்ள வாடிக்கையாளர்கள் ரூ. 2 லட்சம் பதிவுக் கட்டணத்தைச் செலுத்தி தங்கள் பெயரைப் பதிவு செய்து கொள்ளலாம்.
மொழிபெயர்த்தவர்: ஐசக் தீபன்
