- இந்த பெரிய சாதனை வெறும் 59 மாதங்களில் எட்டப்பட்டுள்ளது
- செல்டோஸ் அதிகபட்சமாக 48% விற்பனை செய்துள்ளது
கியா இந்தியா தனது ஐந்தாவது ஆண்டு விழாவில் புதிய மைல்கல்லை எட்டியுள்ளது. இந்நிறுவனம் 59 மாதங்களில் இந்தியாவில் 10 லட்சம் கார்களின் விற்பனையை கடந்துள்ளது.
செல்டோஸ் முதலிடத்தில் உள்ளது
கியாவின் மிகவும் பிரபலமான கார், செல்டோஸ் விற்பனையில் 48% க்கும் அதிகமாக பங்களித்துள்ளது. அதேசமயம், சோனெட் 34% மற்றும் கேரன்ஸ் 16% விற்றது. தற்போது, கியா இந்தியாவில் நான்கு மாடல்களைக் கொண்டுள்ளது, இதில் சோனெட், செல்டோஸ், கேரன்ஸ் மற்றும் EV6 ஆகியவை அடங்கும். புதிய எஸ்யுவியான கியா கிளாவிஸ் விரைவில் இந்த வரிசையில் இணையவுள்ளது. இது இந்த ஆண்டின் பிற்பகுதியில் அறிமுகமாகும் மற்றும் 2025 ஆம் ஆண்டின் தொடக்கத்தில் வெளியிடப்படும் என்று எதிர்பார்க்கப்படுகிறது.
அதிகாரப்பூர்வ அறிக்கை
நிகழ்ச்சியில் பேசிய கியா இந்தியாவின் முதன்மை விற்பனை அதிகாரி ஜுன்சு சோ, 'மிகக் குறுகிய காலத்தில் பல பெரிய மைல்கற்களை எட்டியுள்ளோம். இந்த நாட்டின் பன்முகத்தன்மையை கருத்தில் கொண்டு, நீண்ட காலமாக இருக்கும் பெரிய நிறுவனங்களுடன் போட்டி போட்டு, 10 லட்சம் கார்களை விற்பனை செய்வது எங்களுக்கு பெரிய விஷயம். கியாவை நம்பி, இந்தியாவின் விருப்பமான கார் பிராண்டாக எங்களை மாற்றிய எங்கள் வாடிக்கையாளர்களுக்கு நான் மனப்பூர்வமாக நன்றி கூறுகிறேன்’ என்று அவர் கூறினார்.
மொழிபெயர்த்தவர்: ஐசக் தீபன்
