- இந்த சலுகை மார்ச் 31, 2024 வரை செல்லுபடியாகும்
- சிஎன்ஜி வேரியன்ட்ஸில் அதிக தள்ளுபடி
ஹூண்டாய்மோட்டர் இந்தியா இந்த மாதம் அதன் போர்ட்ஃபோலியோ முழுவதும் கவர்ச்சிகரமான தள்ளுபடிகளை வழங்குகிறது. வாடிக்கையாளர்கள் இந்த என்ட்ரி லெவல் காரான கிராண்ட் i10 நியோஸ் வாங்க நினைத்தால், அவர்கள் இம்மாதம் ரூ. 43,000 வரை சேமிக்கலாம்.
தற்போது, கிராண்ட் i10 நியோஸில் ரூ. 30,000 வரை கேஷ் தள்ளுபடி, ரூ. 10,000 வரை எக்ஸ்சேஞ்ச் போனஸ் மற்றும் ரூ. 3,000 கார்ப்பரேட் தள்ளுபடி வழங்கப்படுகிறது. அதன் பெட்ரோல் எம்டீ மற்றும் ஏஎம்டீ வேரியன்ட்ஸ்க்கு முறையே ரூ. 15,000 மற்றும் ரூ. 5,000 கேஷ் தள்ளுபடி கிடைக்கிறது என்பதை உங்களுக்கு தெரிவிக்கிறோம். இந்தச் சலுகைகள் அனைத்தும் மார்ச் 31, 2024 வரை செல்லுபடியாகும், இவை இருப்பிடம், டீலர்ஷிப், வேரியன்ட்ஸ், நிறம் மற்றும் பிற காரணிகளைப் பொறுத்து மாறுபடலாம்.
ஹூண்டாய் கிராண்ட் i10 நியோஸ் ஆனது எரா, மேக்னா, ஸ்போர்ட்ஸ் எக்ஸிக்யூடிவ், ஸ்போர்ட்ஸ் மற்றும் அஸ்டா ஆகிய ஐந்து வேரியன்ட்ஸில் ரூ. 5.92 லட்சம் (எக்ஸ்-ஷோரூம்) ஆரம்ப விலையில் கிடைக்கிறது. இன்ஜின் பற்றி பேசுகையில், இந்த ஹேட்ச்பேக் பெட்ரோல் மற்றும் சிஎன்ஜி ஆகிய இரண்டு ஆப்ஷனில் வருகிறது. இதில் 1.2-லிட்டர் கப்பா பெட்ரோல் இன்ஜின் உள்ளது, இது 82bhp மற்றும் 114Nm டோர்க் மற்றும் சிஎன்ஜி இன்ஜின் 68bhp மற்றும் 95Nm டோர்க்கை உருவாக்குகிறது. டிரான்ஸ்மிஷன் விருப்பங்களில் இது ஃபைவ்-ஸ்பீட் மேனுவல் மற்றும் ஏஎம்டீ யூனிட்டுடன் வழங்கபடுகின்றன.
மொழிபெயர்த்தவர்: ஐசக் தீபன்
