சிட்ரோன் பஸால்ட்டின் கிராஷ் டெஸ்ட் ரிபோர்ட் வெளிப்படுத்தப்பட்டது; இந்த கூபே எஸ்யுவி எவ்வளவு பாதுகாப்பானது என்பதை தெரிந்து கொள்ளுங்கள்

• இதன் விலை ரூ. 7.99 லட்சத்தில் இருந்து தொடங்குகிறது
• இதில் 40க்கும் மேற்பட்ட பாதுகாப்பு அம்சங்கள் உள்ளன

சிட்ரோன் இந்தியா தனது புதிய கூபே எஸ்யுவியான பஸால்ட் புதிய கார் மதிப்பீட்டு திட்டத்தில் (பாரத் என்கேப்) 4 ஸ்டார் ரேட்டிங்கை பெற்றது. இது சமீபத்தில் அறிமுகப்படுத்தப்பட்டது, ரூ. 7.99 லட்சம் (எக்ஸ்-ஷோரூம்) ஆரம்ப விலையில் கிடைக்கிறது.

பஸால்ட் அடல்ட் பாதுகாப்பில் 26.19/32 மதிப்பெண்களையும், சைல்ட் பாதுகாப்பில் 35.90/49 மதிப்பெண்களையும் பெற்றுள்ளது. இந்த மதிப்பீட்டின் காரணமாக, இரண்டிலும் நான்கு நட்சத்திர மதிப்பீடுகளைப் இது பெற்றுள்ளது.

அடல்ட் சேஃப்டி

அடல்ட் சேஃப்டியை பொறுத்தவரை, இது டிரைவர் மற்றும் பாசஞ்சரின் தலை மற்றும் கழுத்துக்கு நல்ல பாதுகாப்பைப் பெற்றுள்ளது. ஓட்டுநரின் மார்பு, தொடை, இடது கால், கோ-பாசஞ்சரின் தொடை ஆகிய பகுதிகளுக்கு சிறிய பாதுகாப்பு அளிக்கப்பட்டுள்ளது. அதே நேரத்தில், அதன் பக்க தாக்க சோதனையில், தலை, மார்பு, வயிறு மற்றும் இடுப்புக்கு நல்ல பாதுகாப்பு கிடைத்துள்ளது. இது ஃப்ரண்டல் ஆஃப்செட் டிஃபார்மபிள் பேரியர் சோதனையில் 16.00க்கு 10.19 புள்ளிகளையும், சைட் மூவபிள் டிஃபார்மபிள் பேரியர் சோதனையில் 16.00க்கு 16.00 புள்ளிகளையும் பெற்றுள்ளது.

சைல்ட் சேஃப்டி

அதேசமயம், சைல்ட் சேஃப்டியின் டைனமிக் தேர்வில், 24-க்கு 19.90 புள்ளிகளும், ஃப்ரண்ட் மற்றும் பக்க பாதுகாப்பு முறையே 8-க்கு 8 மற்றும் 4-க்கு 4 புள்ளிகளும், 3 வயது குழந்தையின் ஃப்ரண்ட் தாக்கத்திற்கு 8-க்கு 3.9 மதிப்பெண்களைப் பெற்றுள்ளது. இது ஒரு பெரிய மதிப்பெண்ணாக இல்லாவிட்டாலும், பஸால்ட்டின் பாதுகாப்பு மதிப்பீடுகளும் மோசமாக இல்லை என்று நாங்கள் நம்புகிறோம்.

பஸால்ட்டில் 6 ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் மற்றும் அனைத்து சீட்களுக்கும் த்ரீ-பாயின்ட் சீட் பெல்ட்கள் உட்பட 40 க்கும் மேற்பட்ட பாதுகாப்பு அம்சங்களுடன் வருகிறது. இது அட்வான்ஸ்டு ஹை-ஸ்ட்ரென்த் ஸ்டீல் (AHSS) மற்றும் அல்ட்ரா ஹை-ஸ்ட்ரென்த் ஸ்டீல் (UHSS) ஆகியவற்றால் ஆனது, இது விபத்தின் போது அதிக பாதுகாப்பை வழங்குகிறது.

இன்ஜின் மற்றும் பர்ஃபார்மன்ஸ்

சிட்ரோன் பஸால்ட் 1.2 லிட்டர் டர்போ-பெட்ரோல் இன்ஜினைக் கொண்டுள்ளது, இது 110bhp மற்றும் 205Nm பவரை உற்பத்தி செய்கிறது. இதன் இன்ஜின் சிக்ஸ்-ஸ்பீட் மேனுவல் அல்லது சிக்ஸ்-ஸ்பீட் டோர்க் கன்வர்டரூடன் இணைக்கப்பட்டுள்ளது.

அதிகாரப்பூர்வ அறிக்கை

சிட்ரோயன் இந்தியாவின் பிராண்ட் இயக்குனர் ஷிஷிர் மிஸ்ரா கூறுகையில், 'இந்த மதிப்பீடு வாடிக்கையாளர்களுக்கு நம்பிக்கையான டிரைவிங் அனுபவத்தை அளிக்கிறது. கூடுதலாக, பஸால்ட் இப்போது அதன் பாதுகாப்பு அம்சங்களுக்காக அறியப்படுகிறது, இது இந்திய மார்க்கெட்டில் பிரீமியம் தேர்வாக உள்ளது. சிட்ரோன் தனது முழு வரிசையிலும் பாதுகாப்பிற்கு சிறப்பு கவனம் செலுத்த திட்டமிட்டுள்ளது’ என்று அவர் கூறினார்.

மொழிபெயர்த்தவர்: ஐசக் தீபன்