- இது E6 எம்பீவியின் மேம்படுத்தப்பட்ட மாடல் ஆகும்
- இதன் விலை 25 லட்சம் முதல் 33 லட்சம் வரை இருக்கும் என எதிர்பார்க்கப்படுகிறது
பிஒய்டி தனது புதிய இமேக்ஸ் 7 அக்டோபர் 8 ஆம் தேதி இந்தியாவில் அறிமுகப்படுத்த திட்டமிட்டுள்ளது. இது அவர்களின் முந்தைய மாடலான E6 எம்பீவியின் மேம்படுத்தப்பட்ட மாடலாக இருக்கும், இதில் த்ரீ-ரோ சீட் செட்டப் மற்றும் பல மேம்பட்ட அம்சங்கள் இருக்கும். கூடுதலாக, இது முன்பை விட அதிக டிரைவிங் ரேஞ்சுடன் வரும் என்று எதிர்பார்க்கப்படுகிறது.
இமேக்ஸ் 7 இன் எக்ஸ்டீரியரில் E6 எம்பீவி போன்றது, ஆனால் அதன் லூக் மறுவடிவமைப்பு செய்யப்பட்டுள்ளது. புதிய ஃப்ரண்ட் கிரில், புதிய வீல்ஸ் மற்றும் ஸ்டைலான டெயில் லேம்ப்ஸ் கொடுக்கப்பட்டுள்ளது. இன்டீரியரைப் பற்றி பேசுகையில், இதன் கேபின் பிளாக் மற்றும் பெய்ஜ் வண்ண கலவையில் வருகிறது. இது பவர்ட் ஃப்ரண்ட் சீட், டூயல் டிஜிட்டல் ஸ்கிரீன், பவர் டெயில்கேட் மற்றும் 6 அல்லது 7 இருக்கைகளுக்கான விருப்பங்களைக் கொண்டிருக்கும்.
முந்தைய E6 மாடலில் 71.7kWh பேட்டரி இருந்தது, இது 500 கிமீ மைலேஜை வழங்கியது. இப்போது இமேக்ஸ் 7 ஆனது 71.8kWh பேட்டரியைக் கொண்டிருக்கும், இது முழு சார்ஜில் 530 கிமீ வரை செல்லும். மேலும், இதன் பவர் வெளியீடு 94bhp இலிருந்து 204bhp ஆகவும், 180Nm லிருந்து 310Nm ஆகவும் அதிகரித்துள்ளது, இது டிரைவிங் அனுபவத்தை மேலும் மேம்படுத்தும்.
பிஒய்டி இமேக்ஸ் 7 மாடல், ஃபைவ்-ஸ்டார் ஹோட்டல்கள் மற்றும் பிரீமியம் வண்டிச் சேவைகள் போன்ற தனிப்பட்ட வாடிக்கையாளர்களை நோக்கமாகக் கொண்டுள்ளது. இதன் விலை ரூ. 25 லட்சம் முதல் ரூ.33 லட்சம் (எக்ஸ்-ஷோரூம்) வரை இருக்கும் என எதிர்பார்க்கப்படுகிறது.
மொழிபெயர்த்தவர்: ஐசக் தீபன்