- రూ.24.24 లక్షలతో ధరలు ప్రారంభం
- ఇప్పుడు మ్యాట్ బ్లేజ్ రెడ్ ఎక్స్‌టీరియర్ కలర్లో కూడా లభ్యం
మహీంద్రా కంపెనీ తాజాగా ఇండియాలో XUV700లో కొత్త స్పెషల్ బ్లేజ్ ఎడిషన్ ని రూ.24.24 లక్షలు (ఎక్స్-షోరూం) ప్రారంభ ధరతో లాంచ్ చేసింది. ఈ కొత్త ఎడిషన్ కొత్త ఎక్స్‌టీరియర్ మరియు ఇంటీరియర్ స్టైలింగ్ తో పాటుగా చిన్న చిన్న కాస్మోటిక్ అప్‍డేట్లతో అందించబడింది. ఇప్పుడు, లాంచ్ తర్వాత XUV700 బ్లేజ్ ఎడిషన్ దేశవ్యాప్తంగా ఉన్న డీలర్ షిప్స్ వద్దకు చేరుకోవడం ప్రారంభమైంది.
మహీంద్రా XUV700 బ్లేజ్ ఎడిషన్ ఫోర్ వీల్ డ్రైవ్ (ఎఫ్ డబ్లూ డీ) AX7 లగ్జరీ వేరియంట్ పెట్రోల్ మరియు డీజిల్ పవర్ ట్రెయిన్ ఆప్షన్లలో 7-సీటర్ లేఅవుట్ ఆధారంగా వచ్చింది. అదే విధంగా డీజిల్ వెర్షన్లు ఆటోమేటిక్ మరియు మాన్యువల్ గేర్ బాక్సులను పొందగా, పెట్రోల్-పవర్డ్ బ్లేజ్ ఎడిషన్ కేవలం మాన్యువల్ యూనిట్ తో అందించబడింది. ఇంకా చెప్పాలంటే, XUV700 బ్లేజ్ ఎడిషన్లో కేవలం 2,500 యూనిట్లను మాత్రమే మహీంద్రా ఉత్పత్తి చేస్తుండగా, వాటిని ఎక్స్‌క్లూజివ్‌ గా విక్రయించనుంది.
ఇక ఇందులోని మార్పులను పరిశీలిస్తే, XUV700 బ్లేజ్ ఎడిషన్ బ్లాక్డ్-అవుట్ ఫీచర్లతో మ్యాట్ బ్లేజ్ రెడ్ అనే కొత్త కలర్ ని తీసుకువచ్చింది. అదే విధంగా, రూఫ్, గ్రిల్, ఓఆర్‍విఎం, మరియు అల్లాయ్ వీల్స్ వంటి వాటిని కాంట్రాస్టింగ్ బ్లాక్ కలర్ లో పొందింది.
ఇంటీరియర్ పరంగా చూస్తే, XUV700 బ్లేజ్ ఎడిషన్ రెడ్ స్టిచింగ్ తో ఆల్-బ్లాక్ ఇంటీరియర్ థీమ్ ని పొందగా, సెంటర్ కన్సోల్, ఏసీ వెంట్స్, మరియు సీట్ అప్హోల్స్టరీపై యాక్సెంట్స్ ని కలిగి ఉంది. ముందుగా ఫీచర్ల గురించి చెప్పాలంటే, బ్లేజ్ ఎడిషన్ AX7L అనే వేరియంట్ లగ్జరీ వేరియంట్ ఆధారంగా రాగా, XUV700 మరిన్ని అదనపు ఫీచర్లతో అందిచబడింది.
మెకానికల్ గా, XUV700 బ్లేజ్ ఎడిషన్ ని 2.0-లీటర్ టర్బో-పెట్రోల్ మరియు 2.2-లీటర్ డీజిల్ ఇంజిన్ తో పొందవచ్చు. పెట్రోల్ ఇంజిన్ 195bhp మరియు 380Nm టార్కును ఉత్పత్తి చేస్తుండగా, డీజిల్ ఇంజిన్ 182bhp మరియు 420Nm మాక్సిమం టార్కు ఉత్పత్తి చేసేలా ట్యూన్ చేయబడింది.
అనువాదించిన వారు: సంజయ్ కుమార్
