- ఎంటి మరియు ఎఎంటి యూనిట్లలో గ్రాండ్ i10 నియోస్ కార్పోరేట్ వేరియంట్ లభ్యం
- కొత్త అమెజాన్ గ్రే కలర్ ని పొందిన గ్రాండ్ i10 నియోస్
హ్యుందాయ్ మోటార్ ఇండియా నేడే దేశవ్యాప్తంగా గ్రాండ్ i10నియోస్ లైనప్‌లో కొత్త వేరియంట్‌ను లాంచ్ చేసింది. కార్పోరేట్ వేరియంట్ గా పిలువబడుతున్న ఈ కొత్త వేరియంట్ మాగ్నా మరియు స్పోర్ట్జ్ వేరియంట్ల మధ్య సరిగ్గా పొజిషన్ చేయబడింది. ఈ వేరియంట్ ని హ్యుందాయ్ ఇండియా రూ. 6.93 లక్షల ఎక్స్-షోరూం ప్రారంభ ధరతో లాంచ్ చేసింది.
ఎక్స్‌టీరియర్ పరంగా కొత్త గ్రాండ్ i10 నియోస్ కార్పోరేట్ వేరియంట్ కారును బయటి వైపు నుంచి చూస్తే, ఈ కారు 15-ఇంచ్ డ్యూయల్-టోన్ స్టైల్ స్టీల్ వీల్స్, బ్లాక్-అవుట్ గ్రిల్, బాడీ కలర్డ్ డోర్ హ్యాండిల్స్, ఎల్ఈడీ డీఆర్ఎల్స్, ఎల్ఈడీ టెయిల్‌లైట్లు మరియు టెయిల్‌గేట్‌పై 'కార్పొరేట్' బ్యాడ్జ్ వంటి వాటిని కలిగి ఉంది. అదనంగా దీని రేంజ్ కి కొత్త అమెజాన్ గ్రే కలర్‌ను కూడా కూడా హ్యుందాయ్ కంపెనీ జత చేసింది.
ఇంటీరియర్ పరంగా, 2024 గ్రాండ్ i10 నియోస్ కార్పోరేట్ వేరియంట్ కారులో డ్యూయల్-టోన్ ఇంటీరియర్ థీమ్, హైట్ అడ్జస్టబుల్ డ్రైవర్ సీటు, ఫుట్‌వెల్ లైటింగ్, 6.75-ఇంచ్ టచ్‌స్క్రీన్ సిస్టమ్ మరియు రియర్ ఏసీవెంట్స్ ఉన్నాయి. ఇంకా చెప్పాలంటే, ఇది ఎలక్ట్రికల్లీ అడ్జస్టబుల్ ఓఆర్‌విఎం, డ్రైవర్ సైడ్ ఆటో డౌన్ పవర్ విండో ఫంక్షన్, స్టీరింగ్-మౌంటెడ్ కంట్రోల్స్, 4 స్పీకర్స్, రియర్ పవర్ అవుట్‌లెట్ మరియు టైప్-సి ఛార్జింగ్ పోర్ట్ వంటి వాటిని కలిగి ఉంది. సేఫ్టీ పరంగా, కొత్త గ్రాండ్ i10నియోస్ కార్పోరేట్ వేరియంట్‌లో 6 ఎయిర్‌బ్యాగ్స్, టిపిఎంఎస్, ఈబీడీతో కూడిన ఏబీఎస్, రియర్ పార్కింగ్ సెన్సార్స్, సీట్-బెల్ట్ రిమైండర్ సిస్టమ్, కారులోనిఅన్ని సీట్లకు 3-పాయింట్ సీట్ బెల్ట్స్ మరియు ఇంపాక్ట్ సెన్సింగ్ ఆటో డోర్ అన్‌లాక్ ఫంక్షన్ వంటి కీలక ఫీచర్లు ఉన్నాయి.
బానెట్ కింద, గ్రాండ్ i10 నియోస్ కార్పోరేట్ వేరియంట్ 1.2-లీటర్, ఎన్ఎ పెట్రోల్ ఇంజిన్ 5-స్పీడ్ మాన్యువల్ గేర్ బాక్స్ లేదా ఎఎంటి యూనిట్ తో జతచేయబడి వచ్చింది. ఈ మోటార్ 82bhp మరియు 114Nm టార్కును ఉత్పత్తి చేస్తుంది.
వేరియంట్-వారీగా గ్రాండ్ i10నియోస్ కార్పోరేట్ వేరియంట్ ధరలు (అన్ని ధరలు, ఎక్స్-షోరూం) కింది విధంగా ఉన్నాయి
| వేరియంట్ | ధర (ఎక్స్-షోరూం) |
| గ్రాండ్ i10నియోస్ కార్పోరేట్ 1.2 ఎంటి | రూ. 6.93 లక్షలు |
| గ్రాండ్ i10నియోస్ కార్పోరేట్ 1.2 ఎఎంటి | రూ. 7.58 లక్షలు |
అనువాదించిన వారు: సంజయ్ కుమార్
