- 4 కొత్త వేరియంట్లను పరిచయం చేసిన రెనాల్ట్
- 10 కంటే ఎక్కువ కొత్త ఫీచర్లతో రెనాల్ట్ కైగర్ లాంచ్
ఇండియాలో రూ. 5.99 లక్షలు(ఎక్స్-షోరూం) ప్రారంభ ధరతో రెనాల్ట్ ఇండియా 2024 కైగర్ ని నేడే లాంచ్ చేసింది. ఈ నయా కాంపాక్ట్ ఎస్‍యూవీ కొత్త వేరియంట్లు, మరిన్ని కొత్త ఫీచర్లతో పాటుగా నేచురల్లీ ఆస్పిరేటెడ్ మరియు టర్బో పెట్రోల్ ఇంజిన్లతో అందించబడుతుంది.
2024 కైగర్ – కొత్త ఫీచర్లు
2024 కైగర్ యొక్క క్యాబిన్ లో కొత్తగా లెదర్ తో చుట్టబడిన స్టీరింగ్ వీల్ తో పాటుగా సెమీ-లెదరెట్ సీట్లు ఉన్నాయి. అలాగే, ఈ ఎస్‍యూవీలో ఇప్పుడు రెడ్ బ్రేక్స్ కాలిపర్స్, బెజెల్-లెస్ ఆటో-డిమ్మింగ్ ఐఆర్‌విఎం, మరియు ఆటో-ఫోల్డింగ్ ఓఆర్‌విఎంలతో వెల్ కం మరియు గుడ్ బై ఫంక్షన్లు కూడా ఉండనున్నాయి.
2024 కైగర్ – కొత్త వేరియంట్లు
2024అప్‍డేట్ తో కైగర్ ఇప్పుడు 4 కొత్త వేరియంట్లతో అందుబాటులోకి వచ్చింది.
| వేరియంట్స్ | ఇంజిన్ ఆప్షన్స్ | ధరలు (ఎక్స్- షోరూం) |
RXT (O) మాన్యువల్ RXT (O) సివిటి | 1.0 టర్బో పెట్రోల్ | రూ. 9.29 లక్షలు రూ. 10.29 లక్షలు |
RXL మాన్యువల్ RXL ఎఎంటి | 1.0 ఎన్ఎ పెట్రోల్ | రూ. 6.59 లక్షలు రూ. 7.009 లక్షలు |
ఇక పోటీ విషయానికి వస్తే, రెనాల్ట్ కైగర్ టాటా నెక్సాన్, నిసాన్ మాగ్నైట్, కియా సోనెట్, హ్యుందాయ్ వెన్యూ, మరియు మారుతి సుజుకి బ్రెజా వంటి మోడల్స్ తో తన పోటీ కొనసాగిస్తుంది.
అనువాదించిన వారు: సంజయ్ కుమార్
