మరో వారం రోజుల్లో ఇండియాలో లాంచ్ కానున్న జీప్ రాంగ్లర్ ఫేస్‌లిఫ్ట్

• రివైజ్డ్ ఫాసియా మరియు అప్‌డేటెడ్ ఫీచర్స్ తో రానున్న మోడల్
• ఇప్పటికే ఉన్న పవర్‌ట్రెయిన్‌ తో వచ్చే అవకాశం

జీప్ ఇండియా ఏప్రిల్ 22న ఇండియాలో అప్‌డేట్ చేయబడిన రాంగ్లర్  ఆఫ్-రోడర్‌ను లాంచ్  చేయడానికి సన్నాహాలు చేస్తోంది.ఫేస్‌లిఫ్టెడ్ వెర్షన్ గత సంవత్సరం అంతర్జాతీయంగా అరంగేట్రం చేయగా, ఇప్పుడు మొత్తానికి ఇది ఇండియాకు చేరనుంది.

ఇప్పుడు ఫేస్‌లిఫ్ట్‌ మోడల్ గా వస్తుండడంతో , కొత్త జీప్ రాంగ్లర్ సిగ్నేచర్ సెవెన్-స్లాట్ డిజైన్‌తో పాటు స్లీకర్ బ్లాక్డ్-అవుట్ గ్రిల్‌తో కొత్త లుక్ ని పొందుతుంది. గ్లోబల్ వెర్షన్ అల్లాయ్ వీల్స్ మరియు రూఫ్ స్టైల్ ఆప్షన్స్ రేంజ్ ని పొందగా, ఇండియా-స్పెక్ మోడల్ హార్డ్-టాప్ మరియు సాఫ్ట్-టాప్ రూఫ్ ఆప్షన్‌లతో పాటు 17-ఇంచ్ మరియు 18-ఇంచ్ అల్లాయ్ వీల్స్ ఆప్షన్స్ ను పొందుతుంది.

ఇంటీరియర్ విషయానికి వస్తే, కొత్త రాంగ్లర్ ఎస్‌యువి క్యాబిన్ పెద్ద 12.3-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్‌తో కొద్దిగా అప్‌డేట్ చేయబడిన డాష్‌బోర్డ్ లేఅవుట్‌ను పొందుతుంది. ఇంకా చెప్పాలంటే, లైఫ్‌స్టైల్ ఆఫ్-రోడర్ వైర్‌లెస్ స్మార్ట్‌ఫోన్ కనెక్టివిటీ, ఆటోమేటిక్ క్లైమేట్ కంట్రోల్, 12-వే పవర్డ్ ఫ్రంట్ సీట్స్  మరియు డిజిటల్ ఇన్‌స్ట్రుమెంట్ ప్యానెల్ వంటి ఫీచర్లను పొందుతుంది.

మెకానికల్‍గా, రాంగ్లర్ ఫేస్‌లిఫ్ట్ 8-స్పీడ్ ఆటోమేటిక్ టార్క్ కన్వర్టర్ యూనిట్‌తో జతచేయబడిన  2.0-లీటర్ టర్బో-పెట్రోల్ ఇంజిన్‌తో కొనసాగుతుంది. ఈ కండీషన్ లో, మోటార్ 268bhp మరియు 400Nm మాక్సిమం టార్క్‌ని ఉత్పత్తి చేయగలదు, అదే విధంగా ఈబ్రాండ్ లో సెలెక్-ట్రాక్ 4డబ్ల్యూడి సిస్టమ్ ద్వారా  నాలుగు వీల్స్ కి పవర్ ని సప్లై చేస్తుంది.

అనువాదించిన వారు: రాజపుష్ప